യൂറോപ്പിൽ ജോലി കണ്ടെത്താം

വിദേശ കുടിയേറ്റം സംബന്ധിച്ച വായനക്കാരുടെ തിരഞ്ഞെടുത്ത സംശയങ്ങൾക്കു മറുപടി നൽകുന്നു

-  അജിത് കോളശ്ശേരി സിഇഒ (ഇൻ ചാർജ്), നോർക്ക റൂട്ട്സ്

യൂറോപ്യൻ യൂണിയൻ അംഗരാജ്യങ്ങളിൽ ജോലിക്കു ശ്രമിക്കുന്നതെങ്ങനെ ? പൊതു വായി ശ്രദ്ധിക്കേണ്ട കാര്യങ്ങൾഎന്തെല്ലാം? ആൻ മാത്യു, കുറവിലങ്ങാട്, കോട്ടയം

യൂറോപ്യൻ വൻകരയിലെ 27 രാജ്യങ്ങൾ ചേർന്നുള്ള സംഘരാഷ്ട്രമാണു യൂറോപ്യൻ യൂണിയൻ ഇക്കാലത്തു കേരളത്തിലെ യുവതലമുറയ്ക്കു യൂറോപ്പിനോടുള്ള താത്പര്യം വലിയ തോതിൽ വർധിച്ചിട്ടുണ്ട്. EU തൊഴിൽ ദാതാക്കൾ അവരുടെ കമ്പനി വെബ്സൈറ്റുകളിൽ നേരിട്ട് ഒഴിവുകൾ പോസ്റ്റ് ചെയ്യാറുണ്ട്. കൂടാതെ സ്വകാര്യ റിക്രൂട്മെന്റ് ഏജൻസികൾ, പ്രത്യേക വെബ്സൈറ്റുകൾ, പ്രസിദ്ധീകരണങ്ങൾ, യൂണിവേഴ്സിറ്റി റിക്രൂട്ട്മെന്റ് സെല്ലുകൾ മുഖേനയും ഒഴിവുകൾ പരസ്യപ്പെടുത്താറുണ്ട്.

എല്ലാ EU രാജ്യങ്ങളിലെയും ജീവിത, തൊഴിൽ സാഹചര്യങ്ങളെക്കുറിച്ചുള്ള വിവരങ്ങൾ യൂറോപ്യൻ ജോബ് മൊബിലിറ്റി പോർട്ടലായ EURES-ൽ കാണാം.