ഫ്ലാറ്റാക്കിയ ജോമോനേ...

ഗുരുവായൂരമ്പലനടയിൽ സിനിമയിൽ സൈക്കോ സൈക്കാട്രിസ്റ്റ് ആയെത്തിയ ജോമോൻ ജ്യോതിറിന്റെ വിശേഷങ്ങൾ

- അമ്മു ജൊവാസ്

ബിഗ് സ്ക്രീനിലേക്കുള്ള പടി

പതിനെട്ടാം പടിയിലാണ് ആദ്യമായി മുഖം കാണിക്കുന്നത്. അച്ഛന്റെ സുഹൃത്താണ് ഓഗ സ്റ്റ് സിനിമാസിലെ ഷാജി നടേശൻ. അദ്ദേഹം പറഞ്ഞതനുസരിച്ചാണ് ഓഡിഷനിൽ പങ്കെടുക്കുന്നതും അവസരം വരുന്നതും. രണ്ടാമത്തെ ചിത്രമായ "ഗൗതമന്റെ രഥ'ത്തിലാണ് ആദ്യമായി ഡയലോഗ് പറഞ്ഞഭിനയിക്കുന്നത്.

ബിഎ മാസ് കമ്മ്യൂണിക്കേഷൻ ആൻഡ് വിഡിയോ പ്രൊഡക്ഷൻ ആണു പഠിച്ചത്. പഠനം കഴിഞ്ഞതും സിനിമയിൽ അവസരം തേടിയിറങ്ങി. ഒരുപാടു വാതിലുകളും മുട്ടിയിട്ടുണ്ട്. ആ കാലത്തു പോക്കറ്റ് മണിക്കുവേണ്ടി കേറ്ററിങ് ഉൾപ്പെടെ പല ജോലികളും ചെയ്തു. പിന്നീടു കോവിഡും ലോഡൗണും വന്നു. പക്ഷേ, സ്വപ്നങ്ങൾക്ക് ലോക്കിടാനാകില്ലല്ലോ... ഒപ്പം നിൽക്കുന്ന കുറച്ചു സുഹൃത്തുക്കളെ കിട്ടിയതോ ടെഫ്, കണ്ടന്റ് റീൽസ് എന്നിങ്ങനെ വിഡിയോസ് ചെയ്തു തുടങ്ങി. ദിവസം കുറഞ്ഞതു രണ്ടു കണ്ടന്റെങ്കിലും ചെയ്യുമായിരുന്നു.

പിക്കപ്പ് ലൈനും ജെംസ് കച്ചവടവും