കണ്ടാൽ ഞാനൊരു വില്ലനോ?

'പണി'യിലെ വില്ലനായെത്തി മലയാളികളുടെ കയ്യടി നേടിയ വി.പി. ജുനൈസ്

- അഞ്ജലി അനിൽകുമാർ

ചിരിപ്പിക്കലായിരുന്നു ആദ്യ പണി

പണി സിനിമയാണ് പുതിയ വിശേഷം.എന്റെ ആദ്യ സിനിമ. ജോജു ചേട്ടൻ ആദ്യമായി സംവിധാനം ചെയ്യുന്ന സിനിമയിലെ വില്ലനായാണ് തുടക്കം. സോഷ്യൽ മീഡിയ കണ്ടന്റ് ക്രിയേറ്റർ ആയാണ് അതിനു മുൻപ് പലർക്കും എന്നെ പരിചയം. കോമഡി കണ്ടന്റ് കൂടുതലായി ചെയ്യുന്നതു കൊണ്ട് വളരെ ഫൺ ടൈപ് വ്യക്തിയെന്ന ധാരണയാണ് എന്നെക്കുറിച്ച് പലർക്കുമുള്ളതെന്നു തോന്നിയിട്ടുണ്ട്. പക്ഷേ, അതിൽ നിന്നു വ്യത്യസ്തമാണ് 'പണി'യിലെ എന്റെ കഥാപാത്രമായ സിജു എന്ന സിജൂട്ടൻ. എന്റെ സ്വഭാവവും ലുക്കും ഒന്നുമായി സിജുവിന് യാതൊരു സാമ്യവുമില്ല. അഭിനയ സാധ്യത ഏറെയുള്ള കഥാപാത്രം തന്നെ ആദ്യ അവസരത്തിൽ ലഭിച്ചത് ഭാഗ്യമല്ലേ.

പ്രേക്ഷകർ ആ വില്ലനെ സ്വീകരിച്ചു. വില്ലന്മാരെ കയ്യിൽ കിട്ടിയാൽ അടിച്ചേനെ എന്നാണ് മിക്ക പ്രേക്ഷകരും പ്രതികരിച്ചത്. അതു തീർച്ചയായും കഥാപാത്രങ്ങളുടെ വിജയമാണെന്നു ഞാൻ വിശ്വസിക്കുന്നു.

തേടി വന്ന ഭാഗ്യം