Landbouweekblad: Tegnologie - 2020

Bu konuda

In Landbouweekblad - Tegnologie: Kenners gee raad - Kies só tegno-oplossings vir jou plaas, Regte stropermonitor bepaal presisiesukses, Hou planter, spuit in stand vir top-oes; Sonkrag - Boer pomp water 400m bergop - 1,5km ver; Herlewingslandbou - Kry die meeste uit die reën en son, Vee kragtige ‘masjien’ om veld te verbeter; Robotte plant, spuit, bekamp onkruid en oes – en skeer selfs skape! en Naspeurbaarheid - Só werk SA se eerste slimveeplaas.

Landbouweekblad: Tegnologie Magazine Description:

Elke mens het daagliks met “tegnologie” te doen. In die breë landboubedryf behels dit dinge soos presisiewerktuie, beter planttelingstegnieke, hommeltuie (drones) wat vir alles van gewasmonitering tot die opsporing van misdadigers ingespan word, en sonkrag wat toenemend goedkoper en betroubaarder word – in so ’n mate dat ’n kommersiële boer sy plaas onlangs heeltemal van die Eskom-netwerk ontkoppel het. Veeboere het nuwe tegnieke wat dit makliker maak om die grootste moontlike nageslag van waardevolle teeldiere te verkry, terwyl die presisiemonitering van voeromsettingsdoeltreffendheid hulle help om die beste diere te selekteer. In die tyd van Covid-19 het boere ook digitale veilings aangegryp om hul diere te bemark. Die naspeurbaarheid van landbouprodukte raak toenemend belangrik. Die wolbedryf en sommige rooivleisboere reeds suksesvol daarmee. Al hierdie aspekte en meer word in hierdie eerste uitgawe van Landbou Tegnologie gedek, asook vernuwende denke in die vorm van herlewingslandbou. Uiteindelik het tegnologiese produkte en stelsels net waarde as jy dit gebruik om jou boerdery beter te bestuur, beter te kommunikeer en hulpbronne te bewaar. Hopelik help dié tydskrif jou daarmee.