ഓണക്കോടിയില്ലെങ്കിലും ഓണത്തിനു കോഴി വേണം

ഓണം വരുന്നു. ഈ കോവിഡു കാലത്ത് അടുക്കള സജീവം. പാചക കലയിലെ പല പരീക്ഷണങ്ങളും ഇതിനോടകം ചെയ്തുകാണും. ഈയാഴ്ചയിൽ ഒരു ദിവസം വടക്കൻ രുചിയിലുള്ള ഓണസദ്യയായാലോ? പാർലമെന്റ് അംഗമായിരുന്ന പന്ന്യൻ രവീന്ദ്രൻ ഒരുക്കുന്ന പാചകക്കുറിപ്പ്. പന്ന്യന് അമ്മയായാരുന്നു എല്ലാം. ഈ 'പാചകക്കുറിപ്പിന് അമ്മയുടെ കൈപ്പുണ്യമായിരുന്നു പ്രധാനമെന്നു പന്ന്യൻ പറയുന്നു.

ഞങ്ങൾ വടക്കു മലബാറുകാർക്ക് ഓണത്തിനു കോടിയില്ലെങ്കിലും കോഴി നിർബന്ധം. തെക്കൻ കേരളത്തിൽ ഓണ സദ്യ വെജ് ആണങ്കിൽ ഞങ്ങൾക്കത് നോൺ വെജ് കോഴി മാത്രമല്ല, മീൻ വച്ചതും, പൊരിച്ചതു മുണ്ടാകും.