આત્મવિવાહ..? આ વળી શું?

દીકરી પોતાની જાત સાથે લગ્ન કરે એના કરતાં કોઈ છોકરા સાથે તો પરણે છે!

- રાજુ પટેલ

‘અમારી મિષ્ટી બહુ ડાહી છોકરી છે, આવા ગાંડાવેડા કરે જ નહીં, પણ શું ભૂત ભરાયું ખબર નહીં. કહે છે કે હું મારી જાત સાથે જ લગ્ન કરીશ.’

મિષ્ટીના વ્યથિત પિતા મહિપતભાઈએ સાવ અનોખી સમસ્યા અમારી સામે રજૂ કરી.

‘આ પોતાની સાથે લગન એ શું તૂત છે? સરકારે આવાં ધતિંગ ગેરકાયદેસર કરી નાખવાં જોઈએ.’ મહિપતભાઈ સાથે આવેલા એમના ભાઈ બકુલે ધૂંધવાઈને કહ્યું.