പുതിയ ഹോം സ്ക്രീനും പരിഷ്കരണങ്ങളുമായി ഐ.ഒ.എസ്. 14

കാലിഫോർണിയ- ആഗോളടെക്നോളജി ഭീമനായ ആപ്പിൾ മൊബൈൽ ഓപ്പറേറ്റിംഗ് സം വിധാനമായ ഐ.ഒ.എസിന്റെ പുതിയ പതിപ്പ് അവതരിപ്പിച്ചു. ആപ്പിളിന്റെ വാർഷിക വേൾഡ് വൈഡ് ഡെവലപ്പർ കോൺഫറൻ സിലാണ് പുതിയ ഐ.ഒ.എസ്. പതിപ്പ് അവതരിപ്പിച്ചു. നവീനമായ ട്രാൻസ്ലേഷൻ ആപ്പ്, ഐ ഫോൺ ഉപയോഗിച്ച് കാർ അൺലോക്ക് ചെയ്യാനുള്ള സൗകര്യം എന്നിവ പുതിയ ഐ.ഒ.എസ്. 14-ന്റെ സവിശേഷതകളിൽ ഉൾപ്പെടുന്നു. ഹോം സ്കീൻ കേന്ദ്രീകരിച്ചുള്ളതാണ് പ്രധാന ഫീച്ചറുകൾ.

കഴിഞ്ഞ വർഷം പുറത്തിറക്കിയ ഐ ഒ എസ് 13ന്റെ പിൻഗാമിക്ക് പുതിയ രൂപകൽപ്പനയിലുള്ള ഐഫോൺ ഹോം സൂകീൻ ആണുള്ളത്. ആപ്പുകൾ മികച്ച രീതിയിൽ ക്രമീകരിക്കാനുള്ള ആപ്പ് ലൈബ്രറി, പിക്ചർ ഇൻ പിക്ചർ വീഡിയോ, മെച്ചപ്പെട്ട വിഡ്ജെറ്റുകൾ, പുതിയ സിരി ഇന്റെ ഫെയ്സ് തുടങ്ങി യ സവിശേഷതകളുമുണ്ട്.