యాత్ర

పరీక్షలు అయిపోయాయి. పిల్లలకు ఇంట్లో కూర్చుని బోర్ కొడుతోంది.

- ఇంద్రజీత్ కౌశిక్

పరీక్షలు అయిపోయాయి. పిల్లలకు ఇంట్లో కూర్చుని బోర్ కొడుతోంది.

“మమ్మీ, ఈసారి ట్రిప్కి ఎక్కడికి వెళుతున్నాం?" అడిగాడు రోరో కుందేలు.

“ఎక్కడా లేదు, మనం ట్రిప్కి వెళ్లలేమని నీకు తెలియదా?"

తల్లి సమాధానంతో రోరో నిరాశ చెందాడు. చీకూ, మీకూలదీ అదే పరిస్థితి. వారికి కూడా క్యారమ్స్, లూడో, చెస్ లాంటి ఇండోర్ గేమ్స్ ఆడి ఆడి బోర్ కొట్టింది.

“వినండి. పక్కనే ఉన్న అడవిలో ఒక అద్భుతమైన స్విమ్మింగ్ పూల్ ఉంది. మనం అక్కడికి వెళ్లి పూల్లో ఎందుకు స్నానం చేయకూడదు?” డోడో బాతు సలహా ఇచ్చాడు.అందరూ అక్కడికి వెళ్లాలని నిర్ణయించుకున్నారు.

వాళ్లు చాలా దూరం ప్రయాణం చేసారు. స్విమ్మింగ్ పూల్ని చూడగానే వారికి అలసిపోయినట్లు ఏమాత్రం అనిపించలేదు.పూల్లోని స్వచ్చమైన నీలం రంగు నీరు వారిని రమ్మని పిలుస్తోంది.

“మీరు ఇక్కడ ఈత కొట్టాలంటే ఒక్కో జంతువుకి గంటకు 100 రూపాయలు చెల్లించాలి.మీ దగ్గర డబ్బులు ఉన్నాయా?" గేట్ కీపర్ అడిగాడు. వాళ్లు ఒకరి ముఖం మరొకరు చూసుకున్నారు.

“అంకుల్, మా దగ్గర టిక్కెట్లు కొనడానికి డబ్బులు లేవు.”

“అయితే మీరు ఇందులోకి రాలేరు. ఇక్కడికి కొంచెం దూరంలో ఒక సరస్సు ఉంది. కావాలంటే మీరు అక్కడికి వెళ్లి స్నానం చేయవచ్చు.”

నలుగురు స్నేహితులు ఆ సరస్సువైపు బయలుదేరారు. వాళ్లు సరస్సును కనుగొన్నారు. కానీ అందులో ఉన్న మురికి నీరు చూసి స్నానం చేయవద్దని నిర్ణయించుకున్నారు.

“ఇప్పుడు మనమేం చేయాలి?” ఆలోచనలో పడ్డారు.

అంత దూరం నడిచేసరికి వారికి ఆకలి కూడా వేసింది. స్నేహితులు ఆహారం కోసం చుట్టూ చూసారు. కానీ ఏమీ కనిపించలేదు. దాంతో వాళ్లు అడవిని విడిచి పెట్టి నగరంవైపు దారి తీసారు.

కొన్ని ఫౌంటెయిన్లతో పచ్చదనంతో నిండిపోయిన ఒక పార్క్ వాళ్లు చేరుకున్నారు.