తడిసిన బ్లాంకెట్

రాజీవ్, మానవ్, తన్నూలు స్నేహితులు.తమ స్నేహితుడు సాహిల్ పుట్టిన రోజు జరుపడానికి కొత్త మార్గాల గురించి వారు ఆలోచిస్తున్నారు

- ఇంద్రజీత్ కౌశిక్

రాజీవ్, మానవ్, తన్నూలు స్నేహితులు.తమ స్నేహితుడు సాహిల్ పుట్టిన రోజు జరుపడానికి కొత్త మార్గాల గురించి వారు ఆలోచిస్తున్నారు.

“మనం ప్రతి సంవత్సరం అతని పుట్టినరోజును ఇంట్లో జరుపుకుంటాం. ఈసారి జరుపుకోవడానికి మనం ఎక్కడికైనా ఎందుకు వెళ్లకూడదు?” అడిగాడు మానవ్. మిగిలిన ఇద్దరికీ ఇది సంతోషం కలిగించింది.

“అవును, చాలా సరదాగా ఉంటుంది.

కానీ కేక్ లేకుండా పుట్టినరోజు ఎలా జరుపుతాం? మనం కేక్ కొనడానికి వెళాం” అంది తన్నూ సంతోషంగా.

“అలాగే మనం రామూ బాబాయి దగ్గర కొన్ని

దీపాలు కొందాం" చెప్పాడు రాజీవ్. మిగతావాళ్లు ఆశ్చర్యంగా చూసారు. “మీరు నా పుట్టిన రోజు జరుపుకుంటున్నారా లేకపోతే మనం దీపావళి పండుగ ఏమైనా జరుపుకుంటున్నామా? ల్యాంప్స్ దేనికి?” అడిగాడు సాహిల్.

“దేనికంటే నువ్వు 11వ పుట్టినరోజు జరుపుకుంటున్నావు. కాబట్టి మేము 11 దీపాలు వెలిగించి వాటిని నదిలో వదలిపెడతాం. సరదాగా ఉండదా?" అడిగాడు రాజీవ్.

పిల్లలు కేక్ కొన్నారు. తర్వాత రామూ బాబాయి నుంచి 11 మట్టి దీపాలు కొనుగోలు చేసారు. అది దీపావళి సమయం కాకున్నా పిల్లలు దీపాలు కొనడం చూసి అతడు సంతోషించాడు.

ఇతర ఆహార పదార్థాలు, బహుమతులు తీసుకుని వారు నదివైపు వెళ్లారు. నది పక్కన ఒక సంరక్షకుడి చిన్న గుడిసె ఉంది. పిల్లలు అతనితో మాట్లాడారు.

"మేము మా స్నేహితుడు సాహిల్ పుట్టినరోజు జరుపుకోవాలి. దాని కోసం కొద్దిసేపు మీ గుడిసె వాడుకోవాలనుకుంటున్నాం” అని చెప్పారు.