బీ పాజిటివ్

ఒక రోజు అడవిలో డమరూ అనే గాడిద ఆలోచిస్తూ నడుస్తూ ఉండగా ఎదురుగా వస్తున్న జంపీ కోతిని ఢీకొట్టాడు.

- కథ • వివేక్ చక్రవర్తి

ఒక రోజు అడవిలో డమరూ అనే గాడిద ఆలోచిస్తూ నడుస్తూ ఉండగా ఎదురుగా వస్తున్న జంపీ కోతిని ఢీకొట్టాడు.

“సారీ, నేను నిన్ను చూసుకోలేదు. ఏదో ఆలోచిస్తూ నడుస్తున్నాను. దెబ్బ ఏమన్నా తగిలిందా" అని అడిగాడు డమరూ.

"లేదు... లేదు... అలాంటిదేమీ లేదు. నాకు అలా జరగాల్సి ఉన్నది. అలా జరిగిపోయింది" అన్నాడు బాధపడుకుంటూ.

"అలాంటి...” అడిగాడు డమరూ.

“నేను ఎంతో కష్టపడి గోధుమ నారు వేసాను. చాలా రోజులు అయింది. అయినా ఒక్క మొక్క కూడా మొలకెత్తలేదు. దాంతో విసిగిపోయి, నా పొలానికి పోవడమే ఆపేసాను" అన్నాడు జంపీ.

“అయ్యో జంపీ, నువ్వు అలా అనకూడదు. నువ్వు ధైర్యం కోల్పోకుండా పొలానికి వెళ్లు నీ పని నువ్వు చెయ్యి” చెప్పాడు డమరూ.

"కొన్నిసార్లు విత్తనాలు మొలకెత్తాలంటే చాలా టైం తీసుకుంటుంది" అన్నాడు మళ్లీ ధైర్యం నూరిపోస్తూ.

ఆ తర్వాత డమరూ కొంచెం ముందుకు వెళ్లగానే ఎల్లీ ఏనుగు కనిపించింది.

డమరూను పలకరిస్తూ ఎల్లీ “హలో హాయ్ ఎలా ఉన్నావు?” అని అడిగింది.

"బాగానే ఉన్నాను. కానీ ఈమధ్య కొంచెం పనితో బిజీగా ఉన్నాను" అని జవాబిచ్చాడు డమరూ.

“అది సరే, మీ కిరాణా షాపుకు నువ్వు ఎందుకు పోలేదు? ఇవ్వాళ..." అని అడిగాడు ఎల్లీని.

"ఇవాళే కాదు, అసలు నేను షాపును మూసేసాను. అది నీకు తెలియదా?" అని జవాబు ఇచ్చింది ఎల్లీ.

“మూసేసి వారం రోజులు అయిపోయింది" అంది మళ్లీ ఎల్లీ తన మాటలను పొడిగిస్తూ.

“కస్టమర్స్ పెద్దగా రావడం లేదు. గిరాకీ ఎక్కువగా లేదు. అందుకే మూసేసాను" అన్నది షాపును మూసేసినందుకు కారణం చెబుతూ ఎల్లీ.

“అరే... అలా ఎందుకు అనుకుంటావ్... కొంచెం ఓపిక ఉండాలి, చాలామంది కస్టమర్లు వస్తారు. వారు ఎప్పుడు వస్తారో తెలియదు. నువ్వు షాపును ఓపెన్ చేసి ఉండాలి కదా... పాజిటివ్గా ఆలోచించాలి... నిరాశ పడితే ఎలా?" అని అడిగాడు డమరూ.

ఆ తర్వాత ఎల్లీని దాటుకొని డమరూ నాలుగు అడుగులు ముందుకు వేసాడు. అక్కడ బ్యాడీ నక్క కనిపించింది.

బ్యాడీ డమరూను పలకరిస్తూ... “హలో హాయ్ ఎలా ఉన్నావ్? నిన్ను కలవటానికే నేను వస్తున్నాను” అని అంది.

“అలాగా నాతో ఏం పనుంది?” అడిగాడు డమరూ.