పాద ముద్రలు

చీకూ కుందేలు, మీకూ ఎలుక ప్రపంచ పర్యటనకు బయలుదేరారు.

- కథ • వివేక్ చక్రవర్తి

చీకూ కుందేలు, మీకూ ఎలుక ప్రపంచ పర్యటనకు బయలుదేరారు. వారు అలా తిరుగుతూ 'జంబుల్ టంబుల్' అనే పట్టణ శివార్లకు వచ్చారు.

“చీకూ, ఇదేం ప్రదేశం? నేనెప్పుడూ ఈ పేరు వినలేదు?”.

“అవును. నాకూ తెలియదు. మనం పట్టణంలోకి వెళ్లి కనుక్కుందాం" బదులిచ్చాడు చీకూ. వారు లోపలికి వెళ్తుండగా ఒక వ్యక్తి వారివైపు పరుగెత్తుకు రావడాన్ని చూసారు.

“మనం అతన్ని అడుగుదాం" అన్నాడు మీకూ.

"హల్లో. నా పేరు చీకూ. కొంచెం ఆగుతారా. ఈ ప్రదేశం గురించి మేం తెలుసుకోవాలనుకుంటున్నాం” అడిగాడు చీకూ.

“దయచేసి మీరు వీలైనంత త్వరగా ఇక్కడి నుంచి వెళ్లిపోండి. నేనిక్కడ రిస్క్ తీసుకోదలచుకోలేదు. నిజాయితీ పరులైతే మీరూ పారిపోవాలి" ఆ వ్యక్తి హెచ్చరించి వెళ్లిపోయాడు.

"ఎంత విచిత్రమైన వ్యక్తి. అతను పారిపోవడమే కాదు, మనల్ని సైతం విడిచి వెళ్లమని చెబుతున్నాడు” అన్నాడు మీకూ.

“అతన్ని చూస్తే కొంచెం భయపడుతున్నట్లు అనిపించింది. మనం అతని మాట వినాలి. ఈ పట్టణం చూద్దామనే ఆలోచన విరమించుకోవడం మంచిది” అన్నాడు చీకూ.

“ఓహ్ చీకూ అలా అనకు. ఎవరెన్ని చెప్పినా సరే ఇంత దగ్గరికి వచ్చాక మనం పట్టణం చూడకుండా తిరిగి వెళ్లలేం" అన్నాడు.మీకూ.

చీకూ మీకును వారించాడు. కానీ అతను వినలేదు. జంబల్ టంబుల్ లోపలికి వెళ్లాక చీకూ, మీకూలు ఆశ్చర్య పోయారు. పట్టణ వాసులంతా విచిత్రమైన పనుల్లో మునిగి ఉన్నారు. ఒక వ్యక్తి గేదె ముందు కూర్చుని ప్లూట్ వాయిస్తూ ఉంటే ఇంకో వ్యక్తి ఒక కోతికి అల్లం తినిపిస్తూ కనిపించాడు.

“ఈ వ్యక్తులు భూమిపై ఏం చేస్తున్నారు?” ఆశ్చర్య పోతూ అడిగాడు మీకూ.

“నాకు దాని గురించి తెలియదు. కానీ ఇక్కడ మనం ఉండటం క్షేమం కాదు”.

“నాకు అలాగే అనిపిస్తోంది" బదులిచ్చాడు.మీకూ. వారు తిరిగి బయలుదేరబోతున్నంతలో సైనికులు వారిని చుట్టుముట్టారు.

“వ్యాపారి ములుల్ ఇంట్లో దొంగతనం చేసిన దొంగలు దొరికారు" సైనికులలో ఒకరు అన్నాడు.

“కానీ, మేం ఇప్పుడే వచ్చాం. దొంగలం ఎలా అవుతాం?" అడిగాడు మీకూ వారిని.

“మా కమాండర్ బంబుల్ హెడ్ దొంగ ఎవరో కనిపెట్ట లేనంత మూర్ఖుడని మీరు అనుకుంటున్నారా?” సైనికుడు గద్దించాడు.