సమయస్ఫూర్తి

దక్షిణ కేరళలో అంబలూర్ అనే ఒక గ్రామం ఉంటుంది. గ్రామానికి ఎదురుగా అంబు రాతి కొండలు, విస్తారమైన గడ్డి భూములు, వివిధ రకాల పొలాలు ఉంటాయి. మీరు ఈ గ్రామం గుండా వెళ్తుంటే మీకు చాలా అరటి, టేపియోకా, పైనాపిల్ పొలాలు, వరి పొలాలు, పొడవైన రబ్బరు చెట్లతో కూడిన విశాలమైన భూములు కనిపిస్తాయి.

- కథ • ఎలిజబెత్ ఎల్లో

దక్షిణ కేరళలో అంబలూర్ అనే ఒక గ్రామం ఉంటుంది. గ్రామానికి ఎదురుగా అంబు రాతి కొండలు, విస్తారమైన గడ్డి భూములు, వివిధ రకాల పొలాలు ఉంటాయి. మీరు ఈ గ్రామం గుండా వెళ్తుంటే మీకు చాలా అరటి, టేపియోకా, పైనాపిల్ పొలాలు, వరి పొలాలు, పొడవైన రబ్బరు చెట్లతో కూడిన విశాలమైన భూములు కనిపిస్తాయి. ఈ పొలాల మధ్యలో పొలాల యజమానులు, వారి కుటుంబాలు నివసించే ఇళ్లు ఉంటాయి.అయినప్పటికీ అంబలూర్ గ్రామం ప్రధాన పట్టణానికి దూరంగా ఉన్నందున అక్కడ తరచుగా దోపిడీ వంటి చిన్న నేరాలు జరుగుతుంటాయి.దీంతో ఇటీవల అంబలూరుకు వెళ్లిన ఒక పొలం యజమాని మరియమ్మ తన భద్రత కోసం ఓ కుక్కను పెంచుకోవాలని అనుకుంది. మరియమ్మ 'పాత్రోస్' అనే కుక్కపిల్లను

పెంచుకోసాగింది. మొదట దాన్ని తీసుకువచ్చినప్పుడు ఒక చిన్న బోనులో నివసించే కుక్కపిల్ల మాత్రమే. కానీ తర్వాత పాత్రోస్ మరియమ్మ పిల్లలు తాతయ్యలతో ఆడుకుంటూ పెరిగింది.

మొదటి నుంచి పాత్రోస్ మరియమ్మ కొడుకు ఉన్నితో ప్రత్యేక బంధాన్ని ఏర్పరచుకున్నది. ఉన్ని జంతువులను ప్రేమించేవాడు. పాత్రోస్తో ఎప్పుడూ మంచిగా వ్యవహరించేవాడు. అతను రోజూ

కుక్కపిల్లతో ఆడుకునేవాడు. వాకింగ్కి తీసుకెళ్లేవాడు.

చిన్న చిన్న ఆటలు నేర్పించేవాడు. పాత్రోస్ కూడా ఉన్నితో ఆడుకోవడానికి అతనితో ఉండేందుకు ఇష్టపడేది. ఉన్ని ఎటు పోతే అటే వెళ్లేది.

అయితే పాత్రోస్ ఇతర కుక్కల కంటే భిన్నంగా ఉండేది. దురదృష్టవశాత్తు వారు పాత్రోస్ ను 'పిరికిదానిగా' అభివర్ణించేవారు. అది దాదాపు అన్నింటికీ భయపడేది. ఆకులు కింద పడితే ఉలిక్కిపడటం పొదల్లోంచి ఊసరవెల్లిలా తొంగి చూడటం ఇంటికి దూరంగా ఉన్న పొలాలకు మరియమ్మతో పాటు వెళ్లడం చేసేది. కానీ ఉన్ని ఎప్పుడూ పాత్రోస్ను ఎగతాళి చేయలేదు. ఇతర కుటుంబ సభ్యులు ఇరుగుపొరుగు వారితో పాటు కికో పిల్లి కూడా పాత్రోస్ను తరచుగా ఆటపట్టించేది .ఉన్ని ఎప్పుడూ దాన్నే సమర్థించేవాడు.