జయహో కలెక్టర్ సగిలి షణ్మోహన్, జేసీ శ్రీనివాసులు..

ప్రభుత్వ భూముల రక్షణకు పటిష్ట చర్యలు వినూత్న కార్యక్రమానికి శ్రీకారం ప్రభుత్వ భూములు ఆక్రమిస్తే కఠిన చర్యలు ఆయామండలాల వారీగా నివేదికల సేకరణ

ప్రభుత్వ భూముల రక్షణకు పటిష్ట చర్యలు

వినూత్న కార్యక్రమానికి శ్రీకారం

ప్రభుత్వ భూములు ఆక్రమిస్తే కఠిన చర్యలు

ఆయామండలాల వారీగా నివేదికల సేకరణ

ఎక్కడ చూసినా రెవెన్యూ సమస్యలతో ప్రజలు సతమతమవుతున్నారు. చిన్న స్థలం ఖాళీగా వున్నా సరే కబ్జాదారులు ఆక్రమించేస్తున్నారు. అసలైన భూయజమాని పలకరిస్తే.. అతనిపై దౌర్జన్యం చేయడం, బెదిరింపులు, హెచ్చరికలతో భయభ్రాంతులకు గురిచేయడం నిత్యకృత్యమైపోతోంది. అది పట్టణమా, పల్లె అనే తేడా లేదు. ఈ నేపథ్యంలో చిత్తూరు జిల్లా కలెక్టర్ సగిలి షణ్మోహన్, జాయింట్ కలెక్టర్ శ్రీనివాసులు భకబ్జాదారుల పట్ల కొరడా ఝళిపిస్తున్నారు.చిత్తూరు జిల్లాలో ఎక్కడైనా భూకబ్జాలకు ఎవరైనా పాల్పడితే తక్షణం స్పందిస్తున్నారు. ప్రత్యేకంగా జాయింట్ కలెక్టర్ రెవెన్యూ సమస్యలపై తనదైన శైలిలో దృష్టిసారిస్తున్నారు. వీలైనంత వరకు సమస్యను అక్కడికక్కడే పరిశీలించేందుకు కృషి చేస్తున్నారు. కోర్టు వివాదాలు వున్న వాటిని సామరస్యంగా పరిష్కరించేందకు కృషి చేస్తున్నారు. అటు కలెక్టర్, ఇటు జాయింట్ కలెక్టర్లు చేస్తున్న కృషిని ప్రజలు అభినందిస్తున్నారు.