కొండ కోనల నడుమ భైరవకోన అందాలు..

అక్కడి కొండల మధ్య నుంచి సవ్వడి చేస్తూ దూకుతున్న ఎత్తయిన జలపాతాన్నిచూడగానే కేరింతలు కొట్టాల్సిందే. నింగిని తాకుతున్నాయా అనిపించే వృక్షాలు ప్రకృతి దృశ్యానికి అద్దం పడతాయి.

అక్కడి కొండల మధ్య నుంచి సవ్వడి చేస్తూ దూకుతున్న ఎత్తయిన జలపాతాన్నిచూడగానే కేరింతలు కొట్టాల్సిందే. నింగిని తాకుతున్నాయా అనిపించే వృక్షాలు ప్రకృతి దృశ్యానికి అద్దం పడతాయి.పక్షుల కిలకిలారావాల సందడి మధ్య పిల్లల కేరింతలు గాలిలో కలు స్తాయి. అక్కడి ఆహ్లాదభరిత వాతావరణం అందరినీ ఉత్సాహపరుస్తుంది.అదే.. అనేక శిల్పారామాలను సొంతం చేసుకున్న మహత్తర ప్రాంతం భైరవకోన. బ్రహ్మ, విష్ణు, మహేశ్వరులు కలిసి ఉండే ఏకైక క్షేత్రం ఇదే నని చాలామంది విశ్వసిస్తారు. అలాంటి భైరవకోన ప్రయాణపు అనుభవాలు మీకోసం..

ఒంగోలు నుంచి భైరవకోన సుమారు 150 కిలోమీటర్లు ఉంటుంది. మా కుటుంబసభ్యులతో కలిసి వేకువనే బయలుదేరాం. నిద్రలో తూలుతున్న పిల్లల్నీ కారు ఎక్కించేశాం. కందుకూరు మీదుగా రెండు గంటల ప్రయాణం తర్వాత ఒంగోలుకు 110 కిలోమీటర్ల దూరంలోని పామూరు చేరుకున్నాం. అప్పటికి టిఫిన్ చేసేందుకు ఇంకా సమయం ఉండటంతో ఓ హెూటల్లో పార్శిల్ చేయించుకుని, మా ప్రయాణం కొనసాగించాం.