పుంగనూరులో సినీనటి తమన్నా, సింగర్ సునీత, యాంకర్ సుమ

పుంగనూరులో “సినీ సంక్రాంతి సందడి”.. విజేతలకు సినీ తారల చేతుల మీదుగా బహుమతులు

వచ్చే ఏడాది భారీ ఎత్తున పోటీలు - రామచంద్ర యాదవ్

400 మంది ఆడపడుచులకు బహుమతులు అందజేత

పుంగనూరు : పుంగనూరులో ప్రముఖ సినీ నటి తమన్నా, యాంకర్ సుమ, నేపథ్య గాయని సునీత తదితరులు సందడి చేశారు.. భారత చైతన్య యువజన (బీసీవై) పార్టీ అధినేత బొడె రామచంద్ర యాదవ్ ఆధ్వర్యంలో సంక్రాంతి సందర్భంగా పుంగనూరు నియోజకవర్గ వ్యాప్తంగా ముగ్గుల పోటీలు నిర్వహించారు. ఈ పోటీల విజేతలకు శుక్రవారం బహుమతులు ప్రదానోత్సవం జరిగింది. విజేతలకు ప్రముఖ సినీ నటి తమన్నా, సింగన్ సునీత, యాంకర్ సుమ చేతుల మీదుగా బహుమతులు, కానుకలు అందజేశారు. తెలుగు సంస్కృతి సంప్రదాయాలు ఉట్టిపడేలా జరుపుకునే పండుగ సంక్రాంతి, ఈ సందర్భంగా రామచంద్ర యాదవ్ ఆద్వర్యంలో ముగ్గుల పోటీలు నిర్వహించడం అభినందనీయమని తమన్నా అన్నారు. వచ్చే ఏడాది కూడా ఇక్కడి సంక్రాంతి వేడుకలో తాను తప్పక పాల్గొంటానని తెలిపారు.

వచ్చే ఏడాది మరింత భారీగా నిర్వహణ: ఆర్ సీవై