బ్రహ్మోత్సవాలను తలపించిన మన తిరుపతి 894వ ఆవిర్భావ వేడుకలు

తిరుపతి పుట్టిన రోజు వేడుకను టీటీడీ క్యాలెండర్ లో భాగం చేస్తాం టీటీడీ చైర్మన్ భూమన కరుణాకర రెడ్డి తిరుపతి అభివృద్ధికి టీటీడీ సంపూర్ణ సహకారం టీటీడీ ఈవో ఎవి ధర్మారెడ్డి గోవింద నామ స్మరణలతో పులకించిన తిరునగరి 

తిరుపతి : తిరుమల శ్రీవారి బ్రహ్మోత్సవాలను తలపించేలా మన తిరుపతి 894వ ఆవిర్భావ వేడుకలను టీటీడీ ఆధ్వర్యంలో అంగరంగ వైభవంగా నిర్వహించినట్లు ఛైర్మన్ భూమన కరుణాకర్ రెడ్డి తెలిపారు.

తిరుపతి శ్రీ గోవిందరాజస్వామివారి ఆలయ ప్రాంగణంలో శనివారం ఉదయం ఛైర్మన్ ఈ ఉత్సవాలను ప్రారంభించారు. ఈ సందర్భంగా చైర్మన్ మాట్లాడుతూ, జగద్గురువు శ్రీశ్రీశ్రీ రామానుజాచార్యులు తన అమృత హస్తాలతో 24.02.1130 న శంకుస్థాపన చేశారన్నారు.

చిదంబరం గోవిందరాజస్వామి నుంచి తీసుకొచ్చిన ప్రతిమను ప్రతిష్టించడంతోపాటు, ఈ ప్రాంతానికి గోవిందరాజపురంగా నామకరణ చేయగా, నేడు తిరుపతిగా భాసిల్లుతున్నదన్నారు. 140 కోట్ల మంది హిందువులు పూజించే దేవుడైన శ్రీవెంకటేశ్వర స్వామి పాదాల చెంత నివాసం ఏర్పరచుకుని, జీవనం సాగించడం మనందరి జన్మజన్మల పుణ్యఫలమని చెప్పారు.

ప్రతిరోజు అర్చకులు గోవిందరాజస్వామి ఆలయంలో జరిగే మంత్రపుష్పంలో తిరుపతి ఆవిర్భావం గురించి చదువుతున్నారన్నారు. గోవింద రాజస్వామి ఆలయ గోపురం మీద కూడా మొట్టమొదటి శాసనంలో తిరుపతి ఆవిర్భావం గురించి చారిత్రక ఆధారాలు ఉన్నాయని చైర్మన్ వివరించారు. ప్రపంచంలోనే అత్యంత పురాతన