భారతరత్న ప్రదానం

భారతరత్న అవార్డులు ప్రదానం చేసిన రాష్ట్రపతి.. ఎవరెవరు అందుకున్నారంటే?

ఈ ఏడాది కేంద్ర ప్రభుత్వం ప్రకటించిన భారతరత్న అవార్డుల ప్రదానోత్సవం నేడు నిర్వహించారు. ఈ సందర్భంగా రాష్ట్రపతి ద్రౌపదీ ముర్మూ అవార్డులను ప్రదానం చేశారు. మరణానంతరం కొందరికి భారతరత్న ప్రకటించడంతో.. వారి తరఫున కుటుంబ సభ్యులు పురస్కారాన్ని అందుకున్నారు. ఈ ఏడాది మొత్తం ఐదుగురికి భారతరత్న ప్రకటించగా..అందులో శనివారం నలుగురికి రాష్ట్రపతి అవార్డు ఇచ్చారు. బీజేపీ కురువృద్ధుడు ఎల్కే అద్వానీకి ఆదివారం స్వయంగా ఇంటికి వెళ్లి అందించనున్నారు. ఢిల్లోని రాష్ట్రపతి భవన్లో భారతరత్న అవార్డుల ప్రదానోత్సవం అట్టహాసంగా జరిగింది. చరిత్రలో ఎన్నడూ లేని విధంగా ఈసారి కేంద్ర ప్రభుత్వం ఏకంగా ఐదుగురికి భారతరత్న ప్రకటించి సంచలనం సృష్టించింది.