ఎనిమిదవ సృష్టి వివరణ

సరస్వతి సౌందర్యానికి బ్రహ్మ మోహపరవశుడై తనకన్న కూతురిపైనే వ్యామోహంతో ఆమె వెంటబడ్డాడు.

బ్రహ్మ బొటనవేలు నుండి దక్షుడు

తొడ నుండి నారదుడు

నాభి నుండి పులహుడు

చెవుల నుండి పులస్త్యుడు

చర్మం నుండి భృగువు

చేతి నుండి క్రతువు

ముఖము నుండి అంగిరసుడు

ప్రాణం నుండి వశిష్టుడు

మనస్సు నుండి మరీచి

కన్నుల నుండి అత్రి ఆవిర్భావం చెందారు

బ్రహ్మ కుడివైపు స్తనం నుండి ధర్మం జనించింది.

వెన్ను నుండి మృత్యువు, అధర్మమూ జనించాయి

ఆత్మ నుండి మన్మధుడు పుట్టాడు.

కనుబొమ్మల నుండి క్రోధం జనించింది

పెదవుల నుండి లోభం పుట్టింది.

ముఖము నుండి సరస్వతి ప్రభవించింది

పురుషాంగం నుండి సముద్రాలు

అపానం నుండి నిరృతి

నీడ నుండి దేవహుతి, ఆమె భర్త కర్దముడు పుట్టారు.

సరస్వతి సౌందర్యానికి బ్రహ్మ మోహపరవశుడై తనకన్న కూతురిపైనే వ్యామోహంతో ఆమె వెంటబడ్డాడు. మరీచి మొదలగు మునివర్యులు ఇలా అన్నారు. ఓ బ్రహ్మదేవా! కన్న కుమార్తెపై కన్నువేసి రమింపదలిచావు. పెద్దరికం మట్టిపాలు చేశావు. బ్రహ్మదేవుడు మన్మథుని బాణాలకు లొంగిపోయి కన్నబిడ్డనే కామించాడని తిట్టరా, కామాందుడికి కళ్ళు కన్పించవు.అన్న లోకోక్తి ఉండనే ఉన్నది. మునీంద్రులు పలికిన ములుకుల వంటి పలుకులు విని బ్రహ్మ సిగ్గుతో తలవంచుకొన్నాడు. తన శరీరాన్ని పరిత్యజించి మరో దేహాన్ని ధరించాడు. అతని ముఖంలో పరమధర్మ ప్రభోధకాలైన వేదాలు పరిపూర్ణ స్వరూపాలతో ఆవిర్భవించాయి. బ్రహ్మచర్యాది ఆశ్రమాలు ఆయన నాలుగు మోముల నుండి జన్మించాయి. అపుడు విదురుడు మైత్రేయా! బ్రహ్మదేవుడు ఏయే ముఖం నుండి ఏయే సృష్టిచేశాడో అదంతా నాకు తెలియజేయవలసిందిగా కోరాడు.

బ్రహ్మదేవుని తూర్పువైపు ముఖం నుండి ఋగ్వేదమూ, దక్షిణ ముఖం నుండి యజుర్వేదము, పశ్చిమ ముఖం నుండి సామవేదమూ, ఉత్తర ముఖం నుండి అధర్వ వేదము పుట్టాయి. ఉపవేదాలలో ఆయుర్వేదం ప్రాఙ్ముఖం నుంచీ, ధనుర్వేదం దక్షిణ ముఖం నుంచి, గాంధర్వవేదం పశ్చిమ ముఖం నుంచీ శిల్పవేదం ఉత్తర ముఖం నుంచీ ఉత్పన్నమయినాయి.