ഐസ്ലൻഡ് അഥവാ വിമൻ ലാൻഡ്

അറിവുകൾ വിദേശത്തുനിന്ന്

- അജീഷ് മുരളീധരൻ

സ്ത്രീ-പുരുഷ സമത്വത്തിൽ ലോകത്ത് ഒന്നാമതെന്ന ഖ്യാതി തുടർച്ചയായ 15-ാം വർഷവും ഐസ്ലൻഡിന്

ലോകത്ത് ഏറ്റവും ഉയർന്ന സ്ത്രീ-പുരുഷ സമത്വം നില നിൽക്കുന്ന രാജ്യമെന്ന ഖ്യാതി ഐസ്ലൻഡ് നിലനിർത്തിയിരിക്കുന്നു. ലോക സാമ്പത്തിക ഫോറത്തിന്റെ വാർഷിക ആഗോള ജെൻഡർ വ്യത്യാസ സൂചികയിൽ (Global Gender Gap index) തുടർച്ചയായി 15-ാം വർഷമാണ് ഐസ്ലൻഡ് ഒന്നാം സ്ഥാനം നേടുന്നത്. സമൂഹത്തിലെ സ്ത്രീ-പുരുഷ അസമത്വം 90 ശതമാനത്തിലേറെ (91.2%) നികത്തിയ ലോകത്തെ ഏക രാജ്യവും ഐസ്ലൻഡാണ്. 2030നുള്ളിൽ ഇതു 100 ശതമാനമാക്കാനും സമൂഹത്തിലെയും കുടുംബങ്ങളിലെയും ജെൻഡർ അധിഷ്ഠിത അക്രമങ്ങൾ പൂർണമായി ഇല്ലാതാക്കാനുമാണ് ഐസ്ലൻഡ് ലക്ഷ്യമിടുന്നത്. പ്രമുഖ മാഗസിനായ "ദി ഇക്കണോമി സി'ന്റെ ഗ്ലാസ് സീലിങ് ഇൻഡക്സ് പ്രകാരം ലോക ത്ത് സ്ത്രീകൾക്കു ജോലി ചെയ്യാൻ ഏറ്റവും അനുയോജ്യമായ രാജ്യവും ഐസ്ലൻഡ് തന്നെ.

പങ്കാളികൾക്ക് തുല്യ പ്രസവാവധി!