കഥാപുരുഷൻ

വമ്പൻ സിനിമകളെ പിന്തള്ളി “അനോറ എന്ന കൊച്ചുസിനിമയിലൂടെ ഓസ്കറുകൾ വാരിക്കൂട്ടി ഷോൺ ബേക്കറിന്റെ വിസ്മയം

- ശ്വേത എസ്.നായർ

ഒന്നും രണ്ടുമല്ല, അഞ്ച് അക്കാദമി അവാർഡുകളാണു ഷോൺ ബേക്കറിന്റെ "അനോറ' എന്ന ചലച്ചിത്രം മാർച്ച് രണ്ടിനു കൈപ്പിടിയിലൊതുക്കിയത്. ലൊസാഞ്ചലസിലെ ഡോൾബി തിയറ്ററിൽ നടന്ന തൊണ്ണൂറ്റിയേഴാം ഓസ്കർ പുരസ്കാരദാന ചടങ്ങിൽ മികച്ച ചിത്രമായി അനോറ' തിളങ്ങിയപ്പോൾ സംവിധാനം, എഡിറ്റിങ്, തിരക്കഥ എന്നിവയ്ക്കുള്ള പുരസ്കാരങ്ങൾ അമേരിക്കൻ സംവിധായകൻ ഷോൺ ബേക്കറിനെത്തേടിയെത്തി. "അനോറ'യിലെ നായിക മൈക്കി മാഡിസൺ മികച്ച അഭിനേത്രിക്കുള്ള പുരസ്കാരവും സ്വന്തമാക്കിയതോടെ ഇത്തവണത്തെ അഞ്ചു സുപ്രധാന പുരസ്കാരങ്ങളിലാണു ഷോൺ ബേക്കർ എന്ന അൻപത്തിനാലുകാരന്റെ പ്രതിഭയുടെ വിലാസം പതിഞ്ഞത്.

ബേക്കറിന്റെ കഥാലോകം