படம் சொல்லும் கதை

படைப்பின் தேடல் இந்தப் படத்தை எடுக்க வைத்தது.

- ராஜா சந்திரசேகர்

காலை வாக்கிங் போகும்போது என் கண்களுக்கு கிடைத்த பொக்கிஷம் இது. உடனே க்ளிக்கானது.

கொஞ்சம் நுட்பமாக காமிரா கோணம் பார்த்து பல படங்கள் எடுத்து இது சரியாக வந்தது. அவர் உறக்கம் கலையாமல் உணர்ந்து எடுத்தது.

இது ஓர் எளிமையான உறக்கம். நிம்மதியான நேரங்கள் உழைத்த ஆத்மா எல்லாம் மறந்து உறங்குகிறது.

இந்தப் படத்தைப் பார்த்தபின் உங்களுக்குச் சில கதைகள் தோன்றலாம்.

சிந்தனை சிறகசைத்து பேனாவை எடுக்கலாம். தயவுசெய்து சோகத்தைப் பிழிந்து இந்தப் படத்தின் மேல் ஊற்றிவிட வேண்டாம்.

இவை எல்லாமே தினசரி சித்திரங்கள். இவர்கள் தன்னளவுக்கு திருப்தியும் புரிதலும் கொண்டு பயணிப்பவர்கள்.

அணையாத இலக்குகொண்டவர்கள்.

அதில் ஒளிர்ந்து நடைபோட விரும்புவர்கள். அதை அடைய நாளாகலாம். அந்த எண்ணம் காலாவதியாகாது.

ஒன்று சொல்லத்தோன்றுகிறது.