பயணங்களின் வாழ்க்கை!

'வாழ்க்கை ஒரு பயணம்’ என்று தேய் வழக்காய் சொல்லப்படுவதுண்டு.பல தன் வரலாற்று நூல்களின் பெயர்கள் ‘எனது வாழ்க்கைப் பயணம்' என்றோ பாதை என்றோ இருக்கும்.

சமீபத்தில் நான் அப்படிப் படித்த நல்லதொரு தன்வரலாற்று நூல் கேரள இடது சாரிக் கவிஞர் ‘செறுகாடு’ எழுதிய ‘எனது வாழ்க்கைப் பாதை' தமிழில் நிர்மால்யா மணி அவர்கள் மொழிபெயர்ப்பில் சாகித்ய அகாடமி வெளியிட்டுள்ளது.

வாழ்க்கை ஒரு பயணம் எனில் பயணமும் ஒரு வாழ்க்கைதான். உலகப் பயண இலக்கியத்தில் பத்தொன்பதாம் நூற்றாண்டு வரை இந்தியர்களின் இடம் மிகக் குறைவு. நமது சரித்திரப் பாட நூல்களில் இந்தியாவுக்கு வந்து தங்கள் பயண அணுபவங்களை எழுதிய பிரபல பயணிகள் பற்றிப் படித்திருப்போம்.யுவான் சுவாங், பாஹியான், மெகஸ்தனிஸ், இபின் பதூதா, அல் பெருனி என்று பட்டியல் நீள்கிறது.ஆனால் அவர்களது இந்தியப் பிரதிபிம்பங்கள் எங்கே?