ரீமேக் பண்றதுல என்ன தப்பு?

மணிரத்னத்தின் சீடராக சினிமா பயணத்தை ஆரம்பித்தவர் இயக்குநர் ஆர்.கண்ணன். 'ஜெயம்கொண்டான்’, ‘கண்டேன் காதலை', 'வந்தான் வென்றான்', 'சேட்டை' 'இவன் தந்திரன்' என தொடர்ந்து படம் இயக்குவதில் பிஸியாக இருக்கிறார். இவருடைய அடுத்த படைப்பு ‘த கிரேட் இந்தியன் கிச்சன்’.

- எஸ்.ராஜா

தமிழில் கதை இல்லை என்பதால்தான் ரீமேக் கதை பண்ணுகிறீர்களா?

நேர்மையாக சொல்வதாக இருந்தால் இப்போது வருகிற தொண்ணூறு சதவீத படங்கள் அதிகாரபூர்வமற்ற ரீமேக் படங்கள்தான். ஏதோ ஒரு ஹாலிவுட்படத்தையோ, கொரிய மொழிபடத்தையோ, கண்ணுக்கு தெரியாத ஜப்பானிய மொழி படத்தையோ சட்டத்துக்கு புறம்பாக உரிமை வாங்காமல் படம் பண்ணுகிறார்கள்.

அந்த விதத்துல நான் நேர்மையுடன், கதை எழுதிய கதாசிரியர், படத்தின் தயாரிப்பாளருக்கு உரிய பணத்தைக் கொடுத்து ரைட்ஸ் வாங்கி பண்ணுகிறேன். இது எந்தவிதத்துல தவறாக இருக்கும் என்று தெரியவில்லை.