காதல் பரிசு!

ஒவ்வொரு வருடமும் காதலர் தினத்தை முன்னிட்டு - ரோஜா மலர்கள் மற்றும் பரிசுப் பொருட்களின் விற்பனை அள்ளும். இதற்காகவே பல நிறுவனங்கள் புதிது புதிதாக பரிசுப் பொருட்களைச் சந்தையில் இறக்குவார்கள். இந்த ஆண்டும் அப்படி பல பரிசுப் பொருட்கள் சந்தைக்கு வந்துள்ளன. அவற்றில் சிலவற்றைப் பார்ப்போம்.

- த.சக்திவேல்

மெசேஜ் பாட்டில்

இந்த டிஜிட்டல் யுகத்திலும் கூட "தங்களது காதலை வெளிப்படுத்த முடியாமல் சிலர் தவித்துக்கொண்டிருக்கிறார்கள். அவர்களுக்காகவே பிரத்யேகமாக வடிவமைக்கப்பட்டிருக்கிறது இந்த கிஃப்ட்.

இந்தத் தலைமுறையின் காதல் கடிதம் என்று கூட இதனைச் சொல்லலாம். உங்களது காதலை எழுத்தில் வடிக்க அழகான ஒரு துண்டுக் காகிதம், அந்த காகிதத்தை சுருட்டி வைப்பதற்காக ஒரு கண்ணாடிக் குடுவை மற்றும் குட்டியான டெடி பியர் அடங்கிய பரிசுதான் இந்த மெசேஜ் பாட்டில்.

டெடிபியர் இல்லாமல் தனியாகவும் இந்த மெசேஜ் பாட்டில் கிடைக்கிறது. "காதலை வெளிப்படுத்த தயங்குபவர்களுக்கு உகந்த பரிசு..." என்று நெட்டிசன்கள் மெசேஜ் பாட்டிலைப் புகழ்ந்து வருகின்றனர்.