அல்காரிதன் 92

உலகில், ஆசியா எனும் ஒரு கண்டத்தில், இந்தியா எனும் மூலையில், தமிழ்நாடு எனும் சின்ன பிரதேசத்தில், பழைய தென்னாற்காடு எனும் குட்டி மாவட்டத்தில், வரக்கால்பட்டு எனும் தக்குனூண்டு கிராமம் உலகையே உலுக்கிவிட்டது என்றால் நம்புவது கஷ்டம். எல்லாமே கணினி கிராமங்களாக மாறிய பிறகு இது என்ன வியப்பு என்கிறீர்களா..?

- ஆயிஷா இரா.நடராசன்

கைபேசி, கணினி, மடிக்கணினி, டேப்... என எதிலாவது ஆன்லைன் ரம்மி விளையாடுபவராக நீங்கள் இருந்தால் அப்படி சொல்ல மாட்டீர்கள்.

யெஸ்! இரண்டு நாட்களாக அது வேலை செய்யவில்லை. எப்படி முயன்றாலும் திறக்காது. கிராஷ்... உயிர்விட்டுவிட்டது. ஆட்டம் குளோஸ். கேம் ஓவர்!

ஆன்லைன் ரம்மிக்கு தடை விதிப்பது... தடை விதிக்க மறுப்பது...இத்யாதி அரசியலால் இந்த விஷயம் இப்போது ஏக பரபரப்பு ஆகிவிட்டது. முதலில் சமன்பாடு வைத்து போட்டியாளரை போட்டுத் தள்ளிய ஜிங்கிள் ரம்மி அலறியபடியே இருண்டது.

தோல்வி கண்ட போட்டியாளர்கள் பெருக்கல் - ஒவ்வொரு புள்ளிக்குமான பணமதிப்பு, கழித்தல் - ரம்மி கட்டணம் எனும் போஷன் ரம்மி திவாலானது. 600 வகை ஆப்களும்... ஐயோ என்று போயின.

ரேண்டம் நம்பர் ஜெனரேட்டர் என்கிற கணினி வழி சீட்டாட்ட அல்காரிதம் செத்து சவக்குழிகூட இன்றி காணாமல்போனது சாதாரண விஷயம் அல்ல.

உலகத்தில் ஆன்லைனை முடக்கி கதிகலங்க வைக்கும் ஹேக்கர்கள் பல்லாயிரம் உண்டு. அட்மின் அஸெஸ் உள்ளேயே போய் நடப்பது எல்லாவற்றையும் குந்தவைத்து கூத்தடிக்கும் டாஸ்க் மானேஜர் உடைப்பான்களால்கூட முடியாத ஒன்று இது.