சோறு சாப்பிடுவது வேஸ்ட்!

தென்னிந்திய மக்களின் அடிப்படை உணவான அரிசி வெறும் சக்கைதான்.

அதிலும் நச்சுப் பொருட்கள் ஏராளமாக இருக்கின்றன. வடநாட்டவர்களின் அடிப்படை உணவான கோதுமையும் ஆட்டுக்கும் மாட்டுக்கும் கொடுக்கப்பட வேண்டியது என்றாலும் அரிசியைப் போல அவ்வளவாக நச்சுப் பொருள் இல்லை... என அண்மைய ஆய்வு ஒன்று நம் வாய்க்கு பூட்டு போடுகிறது.

மேற்கு வங்காளத்தைச் சேர்ந்த சில உணவியல் அறிஞர்கள் அண்மையில் 'சயின்டிஃபிக் ரிப்போர்ட்ஸ்' (Scientific Reports) எனும் ஒரு அறிவியல் இதழில் ஒரு ஆய்வு முடிவை வெளியிட்டிருந்தார்கள்.

அதில்தான் இந்தியாவில் இன்று அதிகளவில் உண்ணப்ப டும் சுமார் 18 வகையான அரிசி வகைகளை ஆய்வு செய்து முடிவுகளை வெளியிட்டிருந்தார்கள்.

முடிவில், அரிசியில் இருக்கவேண்டிய மிக முக்கியமான சத்துக்களான கால் சியத்தின் அளவு 45 சதவீதமும், இரும்புச் சத்தின் அளவு 27 சதவீதமும், ஸிங்க் (zinc) என்று சொல்லப்படும் துத்தநாகத்தின் அளவு சுமார் 27 சதவீதமும் குறைவாக இருப்ப தாகக் கண்டுபிடித்திருக்கிறார்கள்.

அத்தோடு இந்த அரிசிகளில் 16 மடங்கு நச்சுப் பொருட்களும் (arsenic), 4 மடங்கு செவ்வீயம் எனும் குரோமியமும் (chromium இருப்பதாகக் கண்டுபிடித் திருக்கிறார்கள்.

கோதுமையைப் பொறுத்தளவில் அரி சியைப் போலவே • சத்துக்கள் குறைவு தான் என்றாலும் நச்சுப் பொருட்கள் மற்றும் குரோமியப் பொருட்களின் அளவு முன்பைவிட குறை வாக இருப்பதாகவும் தெரிவித்திருக்கிறார்கள்.

வெறும் சப்பாத்தியுடன் பச்சை முள்ளங்கியை வைத்து சாப்பிடும் வடநாட்ட வர்களைக் கிண்டல் பண்ணும் நம்மைப் போன்ற தென்னாட்ட வர்களுக்கு சப்பாத்தியைவிட சோறு இவ்வளவு ஆபத்தான விஷயமாக மாறியது குறித்து கவலை ஏற்பட, இதுகுறித் தான ஆர்வலர்களைப் பிடித்து விசாரித்தோம்.

நாட்டில் 1400க்கும் அதிக மான அரிசி வகைகள் இருக்க வெறும் 18 வகையை ஆராய்ந்து முடிவுகளைத் தெரிவிக்கும் இதுபோன்ற ஆய்வுகளை சிலர் நம்ப மறுத்திருப்பது குறித்தும் அவர்களிடம் பேசினோம்.