எப்படி தெலுங்குல முன்னணில இருக்கேன்னு எனக்கே தெரியலை!

தெலுங்கு சினிமாவின் முன்னணி நடிகையாக வலம் வருகி றார் ஃபரியா அப்துல்லா. சினிமா பயணம் ஆரம்பித்த கொஞ்ச நாட்களிலேயே நாகார்ஜுனா, ரவிதேஜா என முன்னணி நடிகர்க ளின் படங்கள், சிறந்த நடிகைக்கான விருது என ஃபரியாவின் பயோ செம வெயிட். விஜய் ஆண்டனி நடிக்கும் 'வள்ளி மயில்' படத்தின் மூலம் கோலிவுட்டில் அறிமுகமாகிறார்.

மாடலிங் துறையிலிருந்து சினிமாவுக்கு எப்படி வந்தீங்க?

எனக்கு ஆறு வயது இருக்கும்போதே மாடலிங், டான்ஸ், டிராமா மீது ஆர்வம் அதிகம். என்னுடைய அந்த ஆர்வத்துக்கு அப்பா, அம்மா இருவரும் ஆதரவளித்ததோடு கலைத்துறை மீது எனக்கிருக்கும் ஆர்வத்தையும், லட்சியத்தையும் புரிந்துகொண்டு என்னை என்கரேஜ் பண்ணினார்கள்.

அத்துடன் சினிமாவுக்கான அடிப்படை பயிற்சி வகுப்புகளில் சேர்த்துவிட்ட தோடு பல்வேறு போட்டிகள், ஆடிஷன்களில் கலந்துகொள்ளவும் உதவினார்கள்.

எப்போதாவது சினிமாவுக்கு வருவேன் என்று தெரிந்தோ, தெரியாமலோ நான் எடுத்த அந்த பயிற்சி சினிமாவுக்கு வருவதற்கு உதவியாக இருந்துச்சு.

முன்னணி நிறுவனங்க ளின் விளம்பரங்கள், மியூசிக் ஆல்பம், யூடியூப் வீடியோ ஸ்கிட்ஸ், குறும்படங்கள், வெப்ஷோ என பல தளங்களில் வேலை செய்துவிட்டு கடைசியாக வந்த இடம்தான் சினிமா.

முதல் படமான 'ஜதி ரத்னாலு’ படத்துக்கு விருது வாங்கிய தருணம் எப்படி இருந்தது?

'ஜதி ரத்னாலு' படத்துக்கான சிறந்த புதுமுக நடிகைக்கான 'சைமா - 2022' விருது எனக்குக் கிடைத்தபோது அதை என்னுடைய திறமைக்குக் கிடைத்த அங்கீகாரமாகப் பார்த்தேன்.

விருது எனக்கு இன்ப அதிர்ச்சியைக் கொடுத்ததோடு, சினிமா உலகத்தில் எனக்கும் இடம் கொடுத்துள்ளது. அந்தவகையில் சினிமாவுக்கு என்றும் கடமைப் பட்டுள்ளேன்.

சினிமாவுக்கு வந்த சில வருடங்களிலேயே நாகார்ஜுனா, ரவி தேஜா என ஜாம்பவான்களுடன் நடித்துள்ளீர்கள். எப்படி நடந்தது அந்த மேஜிக்?

உண்மையைச் சொல்வதாக இருந்தால் அது எப்படி நடந்தது என்று தெரியவில்லை. வளர்ந்து வரும் நடிகையாக இருப்பதால் அந்த மேஜிக் நடந்திருக்கலாம்னு எண்ணுகிறேன்.

நாகார்ஜுனா, ரவிதேஜா போன்றவர்கள் ஆளுமைமிக்க வர்களாக இருந்தாலும் மிகவும் எளிமையாகப் பழகக் கூடியவர் கள். அவர்கள் நடிக்கும்போது கூர்ந்து கவனித்தாலே சினிமா வைப் பற்றி நிறைய தெரிந்து கொள்ள முடியும். அவர்களுடன் நடித்ததெல்லாம் ஒரு மேஜிக்.