ചന്ദനമണിവാതിൽ...

പാട്ടിൽ ഈ പാട്ടിൽ

- ഏഴാച്ചേരി രാമചന്ദ്രൻ

പി.കെ. രാധാകൃഷ്ണൻ സംവിധാനം ചെയ്ത 1986ൽ പുറത്തിറങ്ങിയ "വൈകി ഓടുന്ന വണ്ടി' എന്ന സിനിമയിലെ സ്വപ്നങ്ങൾ സീമന്ത സിന്ദൂരമാകും' എന്ന ഗാനമാണ് ഞാൻ ആദ്യമായി എഴുതുന്നത്. ജയചന്ദ്രനും ശൈലജയും ചേർന്ന് ആലപിച്ച യുഗ്മഗാനമാണത്. ഞാൻ എഴുതിയ പാട്ടുകളിൽ ആദ്യം ശ്രദ്ധിക്കപ്പെട്ടത് ലെനി ൻ രാജേന്ദ്രൻ സംവിധാനം ചെയ്ത "മീനമാസത്തിലെ സൂര്യനി'ലെ പാട്ടുകളാണ്. കയ്യൂർ സമരചരിത്രത്തെക്കുറിച്ചുള്ള സിനിമ. അതിലെ എല്ലാ പാട്ടുകളും എഴുതിയത് ഞാനാണ്. എന്നാൽ സിനിമയുടെ പ്രിവ്യൂ സമയത്ത്, ഒഎൻവി സാറിന്റെ ഒരു എട്ടുവരി കൂടി അതിൽ ചേർക്കണം എന്നു നിർദേശം വന്നു. റിക്കോർഡ് ചെയ്യാതെ ട്രാക്കിൽ വെറുതേ പാടി ചേർക്കുകയായിരുന്നു.