ഫോക്കസ് തിരിച്ച് മഹിമ

മലയാളത്തിലും തമിഴിലും അഭി നയരംഗത്ത് അരങ്ങേറ്റം കുറിച്ച് നടി മഹിമ പുതിയ സിനിമാവിശേഷങ്ങൾ "നാന'യുമായി പങ്കുവയ്ക്കുകയാണ്.

- ജി. കൃഷ്ണൻ

മനസ്സുനിറയെ അഭിനയമോഹമുണ്ടായിരുന്നു. സിനിമയിൽ അഭിനയിക്കണമെന്ന ആഗ്രഹം ചെറുപ്പം മുതലേ ഉണ്ടായിരുന്നു. പക്ഷേ, സിനിമയുമായി ബന്ധപ്പെട്ട ആരെയും പരിചയമുണ്ടായിരുന്നില്ല.

ഇന്നിപ്പോൾ തമിഴിലും മലയാളത്തിലും വിവിധ സിനിമകളിൽ അഭിനയിച്ചു കൊണ്ടിരിക്കുന്ന നടി മഹിമ നമ്പ്യാർക്ക് സിനിമയിലെത്താൻ നിമിത്തമായതും സാക്ഷ്യം വഹിച്ചതും കാഞ്ഞങ്ങാട്ടുള്ള പ്രശസ്തമായ ബേക്കൽ കോട്ടയാണെന്ന് പറഞ്ഞാൽ അതിലൊട്ടും അതിശയോക്തിയുണ്ടെന്ന് തോന്നുന്നില്ല.

അതെ, വളരെ യാദൃച്ഛികമായിട്ടാണ് ബേക്കൽ ഫോർട്ടിൽ വച്ച് ഒരു തമിഴ് ഫിലിം ഡയറകർ മഹിമാനമ്പ്യാരെ മീറ്റ് ചെയ്യുന്നത്. അന്ന് അദ്ദേഹത്തിന്റെ തമിഴ് സിനിമയിലേക്ക് ഒരനുജത്തി വേഷം ചെയ്യുവാൻ ക്ഷണിച്ചുവെങ്കിലും ടെൻതിൽ പഠിച്ചു കൊണ്ടിരിക്കുന്നതിനാൽ ആ സിനിമാഷൂട്ടിംഗിൽ പങ്കെടുക്കുവാനായില്ല.

എന്നാൽ, അവിടുന്നുതന്നെ എന്റെ ചില ഫോട്ടോകൾ കണ്ടിട്ട് കാര്യസ്ഥൻ എന്ന സിനിമയിൽ ദിലീപിന്റെ അനുജത്തിയായി അഭിനയിക്കാൻ മഹിമാനമ്പ്യാർക്ക് ക്ഷണം കിട്ടി. അങ്ങനെ കാര്യസ്ഥൻ' സിനിമയിൽ അഭിനയിച്ചു.