અક્ષય કુમાર અને કંગના રાણાવત: ભાજપાના લાડકા ફિલ્મ સ્ટાર્સના 'ખરાબ દિવસ'

અક્ષય કુમાર અને કંગના રાણાવત વિરોધાભાસી કલાકાર છે. અક્ષય કુમારની ઈમેજ મીઠું બોલનારા, ચાપલૂસ અને કાચંડાની જેમ રંગ બદલતા કલાકારોની છે, જ્યારે કંગના રાણાવતની ઈમેજ ઉગ્ર, વિદ્રોહી અને ગુસ્સાવાળા સ્વભાવની છે

- શાંતિસ્વરૂપ ત્રિપાઠી

એક કડવું સત્ય છે કે ગણતરીના દિવસોમાં ભાજપાના ૨ અતિ પ્રિય કલાકારો કંગના રાણાવત અને અક્ષય કુમારની ફિલ્મો બોક્સ ઓફિસ પર ઊંધા માથે પછડાઈ.

કંગના રાણાવતની ૯૫ કરોડ રૂપિયાના ખર્ચવાળી ફિલ્મ ‘ધાકડ’ ૨૦ મે, ૨૦૨૨ના થિએટરમાં પહોંચી અને માત્ર ૩ કરોડ, ૭૦ લાખ રૂપિયા જ કમાઈ શકી એટલે કે થિએટરનું ભાડું સુધ્ધાં વસૂલી ન શકી. ત્યાં અક્ષય કુમારની ૩૦૦ કરોડ રૂપિયાના ખર્ચવાળી ફિલ્મ ‘સમ્રાટ પૃથ્વીરાજ’ ૩ જૂન, ૨૦૨૨ના થિએટરોમાં પહોંચી અને તેણે પોતાના ૧૨મા દિવસ સુધી માત્ર ૬૫ કરોડ રૂપિયા જ કમાયા હતા.

રસપ્રદ વાત એ છે કે કંગના રાણાવત અને અક્ષય કુમાર એવા કલાકારો છે, જે છેલ્લા ૧૦ વર્ષની સફળતાની ગેરન્ટી માનવામાં આવી રહ્યા હતા પરંતુ વર્ષ વર્ષ ૨૦૧૪ પછી જે રીતે તેમની વિચારસરણી અને વિચાર બદલાયા, તેના પગલે આ બંને કલાકાર સત્તાના ઈશારે નાચતા પોતાની અભિનય કારિકર્દીને દાવ પર લગાવતા આવી રહ્યા હતા.

વર્ષ ૨૦૧૪ પછી ધીમેધીમે આ બંને કલાકારોએ ભાજપાના એજન્ડાને આગળ લઈ જનારી ફિલ્મોમાં જ કામ પ્રાથમિકતા કરવાને આપવાનું શરૂ કર્યું હતું, જેણે તેમને સંપૂર્ણ રીતે ડૂબાડી દીધા.

એક રીતે જોઈએ તો અક્ષય કુમાર અને કંગના રાણાવત વિરોધાભાસી કલાકાર છે. અક્ષય કુમારની ઈમેજ મીઠું બોલનારા, ચાપલૂસ અને કાચંડાની જેમ રંગ બદલતા કલાકારોની છે, જ્યારે કંગના રાણાવતની ઈમેજ ઉગ્ર, વિદ્રોહી અને ગુસ્સાવાળા સ્વભાવની છે.

કંગના રાણાવતે ‘ક્વીન’ જેવી સફળ ફિલ્મમાં સ્ટારડમ મેળવ્યા પછી લંડન જઈને ફિલ્મ કલા અને સ્ક્રિપ્ટ લેખનનો અભ્યાસ કર્યો. તેને સામાજિક મુદ્દાની સાથે સાથે માનવીય લાગણીઓની પણ સારી સમજ છે. વર્ષ ૨૦૧૮ પછી જે રીતે તેના વિચારો બદલાયા તે ઉગ્ન થઈને બોલિવુડની વિરુદ્ધ જ આગ ઓકવા લાગી હતી. તે ખૂબ વિચિત્ર રહ્યા.