કનૈયાલાલ હત્યાકાંડ: સાંપ્રદાયિક નફરતનો કરુણ અંજામ

આરોપીઓએ આ હત્યાનો પૂરો વીડિયો પણ બનાવ્યો હતો અને ઘટનાને અંજામ આપ્યા પછી સોશિયલ મીડિયા પર પોસ્ટ મૂકીને હત્યાની જવાબદારી પણ લીધી હતી. આ વીડિયોમાં તેમણે નરેન્દ્ર મોદી સુધ્ધાને ધમકી પણ આપી હતી.

- મદન કોથુનિયાં

રાજસ્થાનના ઉદયપુરમાં ભાજપાઈ નુપુર શર્માના સમર્થનમાં મીડિયા પર પોસ્ટ મૂકનાર કનૈયાલાલની ખૂબ ઘાતકી રીતે હત્યા કરી દેવામાં આવી. ૨ હુમલાખોર મંગળવાર, ૨૮ જૂન, ૨૦૨૨ ના રોજ ધોળા દિવસે તેની દુકાનમાં ઘૂસ્યા અને ધારદાર હથિયારથી તેને ઘણા બધા ઘા માર્યા અને ત્યાર પછી ગળું કાપીને તેની હત્યા કરી નાખી.

આરોપીઓએ આ હત્યાનો પૂરો વીડિયો પણ બનાવ્યો હતો અને ઘટનાને અંજામ આપ્યા પછી સોશિયલ મીડિયા પર પોસ્ટ મૂકીને હત્યાની જવાબદારી પણ લીધી હતી. આ વીડિયોમાં તેમણે નરેન્દ્ર મોદી સુધ્ધાને ધમકી પણ આપી હતી.

ત્યાર પછી ઉદયપુરના ૭ પોલીસ સ્ટેશન હેઠળના વિસ્તારમાં કર્ફ્યુ લગાવી દેવામાં આવ્યો. પૂરા ૪સ્થાનમાં એક મહિના માટે કલમ ૧૪૪ લાગુ કરવામાં આવી. બીજી તરફ બંને આરોપી રિયાઝ અંસારી અને મોહમ્મદ ગોસને રાજસમંદના ભીમ વિસ્તારમાંથી પકડી લેવામાં આવ્યા. તે બંને ઉદયપુરના સૂરજપોલ વિસ્તારના રહેવાસી છે.

ઉલ્લેખનીય છે કે આરોપી રિયાઝ અંસારી અને મોહમ્મદ ગોસ કપડાનું માપ આપવાનું બહાનું બનાવીને માર્યા ગયેલા કનૈયાલાલની દુકાનમાં ઘૂસ્યા હતા. હજી કનૈયાલાલ કંઈ સમજે, ત્યાં સુધીમાં બદમાશોએ હુમલો કરી દીધો અને તેની હત્યા કરી નાખી.

પછી રાજસ્થાનના મુખ્ય સચિવ ઉષા શર્માએ તત્કાલિક ઉચ્ચસ્તરીય બેઠક યોજી. બધા વિભાગીય સચિવ, પોલીસ મહાનિરીક્ષકો અને જિલ્લા કલેક્ટરોને પૂરા રાજ્યમાં ખાસ સાવચેતી અને ધ્યાન રાખવાના આદેશ આપી દીધા. સાથે તંત્રએ તમામ અધિકારીઓની રજા પણ રદ કરી દીધી.

બીજી તરફ કલમ ૧૪૪ લાગુ કર્યા છતાં ભાજપાએ બુધવાર, ૨૯ જૂન, ૨૦૨૨ ના રોજ ઉદયપુર અને ૩૦ જૂન, ૨૦૨૨ ના રોજ જયપુર બંધની જાહેરાત કરી. ૩ જુલાઈ, ૨૦૨૨ ના રોજ વિશ્વહિંદુ પરિષદ અને ભાજપા તથા રાષ્ટ્રીય સ્વયં સેવક સંઘ સાથે મળીને જયપુરમાં સામૂહિક હનુમાન ચાલીસાના પાઠની સાથે મોટી રેલી કાઢી હતી.

આ કેસની જાણકારી અનુસાર, વ્યવસાયે દરજી કનૈયાલાલે થોડા દિવસ પહેલાં ભાજપાની પૂર્વ પ્રવક્તા નૂપુર શર્માએ કરેલી પયગંબર મોહમ્મદ પરની વિવાદિત ટિપ્પણીના સમર્થનમાં સોશિયલ મીડિયા પર એક પોસ્ટ મૂકી હતી, જેની પર ફરિયાદ થયા પછી ઉદયપુર પોલીસે કનૈયાલાલની ધરપકડ કરી હતી.