રાજપાલ વિરુદ્ધ હાસ્યપાલ

આજે રાજનીતિ રાજાશાહીની તરફ ગંદી અને ખરાબ સ્થિતિમાં પહોંચી રહી છે

આજે એવું અનુભવાય છે કે દેશના બંધારણના ઘડનારાએ રાજ્યપાલ પદની ગરિમા વિશે જે વિચારીને તેને વિશેષ પદ અને અધિકાર બંધારણમાં સ્થાપિત કર્યા છે, તે આજે જમીનદોસ્ત થઈ રહ્યા છે. આજે રાજ્યપાલ રાજ્યપાલ ન રહેતા હાસ્યાપાલ બની ગયા છે અથવા એમ કહી શકાય કે કેન્દ્ર સરકારની કઠપૂતળી કરતા વધારે તેમની હેસિયત નથી રહી. આ વાતનું સૌથી મોટું ઉદાહરણ છે રાજ્યપાલ રમેશ બેસનું દિલ્લી દોડી જવું. રાજ્યપાલની પાસે ખૂબ સારાકચેરીમાં કામ કરનાર અમલદારો હોય છે. રાજ્યપાલ જે તે રાજ્યના બંધારણીય પ્રમુખનો હોદો ધરાવતા હોય છે. આ જોતા બંધારણીય ચર્ચા માટે તેઓ રાજ્યના સીનિયર એડવોકેટ અને જજ પાસેથી સલાહ લઈ શકે છે, પરંતુ દિલ્લીની દોડ તેમની વાસ્તવિકતાને ઉજાગર કરે છે.