સિઝોક્રેનિયા ખોટી માન્યતા છે ‘ભૂતપ્રેત’ નો ડર

આ આત્મકથામાં કબીર બેદીએ પોતાના યુવાન દીકરા સિદ્ધાર્થ બેદીના યુવાનીમાં થયેલા નિધન વિશે ઉલ્લેખ કર્યો છે કે કેવી રીતે તેમનો દીકરો તેના અંતિમ દિવસમાં ભૂત સાથે વાત કરવા લાગ્યો હતો

- સુનીલ શર્મા

પુસ્તકો આપણને જિંદગી જીવવાના ગુણ શીખવે છે અને જો કોઈ મોટી હસ્તીએ પોતાની જિંદગીના અનુભવન પુસ્તકનું સ્વરૂપ આપી દીધું હોય તો તેમાં જાણકારીનો ભંડાર છુપાયેલો હશે, માત્ર તેને વાંચવાની વાર છે.

તાજેતરમાં પોતાના જમાનાના હેન્ડસમ હીરો કબીર બેદીએ ઈંગ્લિશ ભાષામાં પોતાની આત્મકથા ‘સ્ટોરીઝ આઈ મસ્ટ ટેલ : ધ ઈમોશનલ લાઈફ ઓફ એન એક્ટર’ લખી છે. આ એ જ કબીર બેદી છે, જેમણે ‘કચ્ચે ધાગે’, ‘નાગિન’, ‘ખૂન ભરી માંગ’, ‘યલગાર’,  ‘મેં હું ના’ જેવી ઘણી બધી હિંદી ફિલ્મમાં સશક્ત ભૂમિકા ભજવી હતી.

આ આત્મકથામાં કબીર બેદીએ પોતાના યુવાન દીકરા સિદ્ધાર્થ બેદીના યુવાનીમાં થયેલા નિધન વિશે ઉલ્લેખ કર્યો છે કે કેવી રીતે તેમનો દીકરો તેના અંતિમ દિવસમાં ભૂત સાથે વાત કરવા લાગ્યો હતો. અરે ભૂતો સાથે વાત.. શું આ વાત તમને હજમ થઈ?

હકીકતમાં, આ પુસ્તક ઉપરાંત પોતાના એક ઈન્ટરવ્યૂમાં કબીર બેદીએ દીકરા સિદ્ધાર્થ વિશે વાત કરતા કહ્યું હતું, ‘સિદ્ધાર્થ ખૂબ સમજદાર છોકરો હતો. તે હોશિયાર હતો તેમ છતાં એક દિવસ તે કંઈ જ વિચારી શકવાની સ્થિતિમાં નહોતો.’’

“અમે ખૂબ કોશિશ કરી એ વાત જાણવાની કે આખરે તેને થયું શું છે? ૩

વર્ષ સુધી અમે અજાણ્યા ભૂતો સામે લડતા રહ્યા. અંતે મોન્ટ્રિયલની ગલીમાં તેનું ખૂબ હિંસક બ્રેકઆઉટ થયું. તેને કાબૂમાં કરવા માટે ૮ પોલીસ કર્મીઓએ મહેનત કરવી પડી હતી.

સિદ્ધાર્થ બેદી કબીર બેદીની પહેલી પત્ની પ્રોતિમાનો દીકરો હતો, જે એક ક્લાસિકલ ડાન્સર હતી. સિદ્ધાર્થ વર્ષ ૧૯૯૦ માં કાર્નેગી મેલન યુનિવર્સિટીમાં અભ્યાસ કરતો હતો. તેણે માત્ર ૨૬ વર્ષની ઉંમરમાં આત્મહત્યા કરી લીધી હતી.