തലസ്ഥാനത്ത് തലൈവരുടെ സിനിമാ വസന്തം

രജനികാന്ത് ആദ്യമായാണ് തിരുവന ന്തപുരത്ത് എത്തുന്നത്. നേരത്തെ രാ ജാധിരാജ, മുത്തു എന്നീ ചിത്രങ്ങളുടെ ഗാനരംഗങ്ങൾക്ക് അതിരപ്പിള്ളിയിൽ എത്തിയിട്ടുണ്ടെങ്കിലും തന്റെ സിനിമയു ടെ ഭൂരിഭാഗം ഷൂട്ടിംഗിനായി എത്തുന്നത് ഇതാദ്യമായാണ്. വിമാനത്തിൽ നിന്നും പുറത്തേക്കു വരുന്ന രജനികാന്തിന്റെ ചിത്രങ്ങളും വീഡിയോയും ഏറെ വൈറലായിരുന്നു. ചാരനിറത്തിലുള്ള ടീഷർട്ടും കറുത്ത ജീൻസുമണിഞ്ഞ് കൂളായി ചിരിച്ചുകൊണ്ട് നടന്നുവരുന്ന തലൈവർ. ഈ സമയം പുറത്ത് ആരാധകരുടെ ഒരു കൂട്ടംതന്നെ ഉണ്ടായിരുന്നു. തലൈവാ... തലൈവാ എന്ന് അവർ ആർത്തു വിളിക്കുന്നുണ്ടായിരുന്നു.

- ബി. വി. അരുൺ കുമാർ

ലോക സിനിമയെ നെഞ്ചിലേറ്റുന്നവരാണ് മലയാളികൾ. അതുകൊണ്ടുതന്നെ ആ സിനിമകളിലെ താരങ്ങൾക്കും ആരാധകർ ഏറെയുണ്ട് ഈ മലയാള മണ്ണിൽ. ഹോളിവുഡ് സിനിമകൾക്ക് പോലും കേരളം ലൊക്കേഷനായിട്ടുണ്ട്. കേരളത്തിന്റെ പ്രകൃതി ഭംഗിയെ കുറിച്ചും ഇവിടുത്തെ ആദിത്യ മര്യാദയെ കുറിച്ചും താരങ്ങൾ സോഷ്യൽ മീഡിയയിൽ പ്രശംസിച്ചിട്ടുമുണ്ട്. ഇപ്പോഴിതാ അത്തരമൊരു താരത്തിന്റെ സിനിമയ്ക്ക് തിരുവനന്തപുരം ലൊക്കേഷനായത.. തലൈവർ 170 എന്നു താത്കാലികമായി പേരിട്ടിരിക്കുന്ന രജനി കാന്ത് ചിത്രത്തിന്റെ ഷൂട്ടിംഗാണ് തിരുവനന്തപുരത്ത് നടന്നത്. സിനിമയുടെ ഭൂരിഭാഗം ലൊക്കേഷനും തിരുവനന്തപുരമാണെന്നതാണ് പ്രത്യേകത.

ആദ്യമായി തിരുവനന്തപുരത്ത് മാസ് എൻട്രി

രജനികാന്ത് ആദ്യമായാണ് തിരുവനന്തപുരത്ത് എത്തുന്നത്. നേരത്തെ രാജാധിരാജ, മുത്തു എന്നീ ചിത്രങ്ങളുടെ ഗാനരംഗങ്ങൾക്ക് അതിരപ്പിള്ളിയിൽ എത്തിയിട്ടുണ്ടെങ്കിലും തന്റെ സിനിമയുടെ ഭൂരിഭാഗം ഷൂട്ടിംഗിനായി എത്തുന്നത് ഇതാദ്യമായാണ്. വിമാനത്തിൽ നിന്നും പുറത്തേക്കു വരുന്ന രജനികാന്തിന്റെ ചിത്രങ്ങളും വീഡിയോയും ഏറെ വൈറലായിരുന്നു. ചാരനിറത്തിലുള്ള ടീഷർട്ടും കറുത്ത ജീൻസുമണിഞ്ഞ് കൂളായി ചിരിച്ചുകൊണ്ട് നടന്നുവരുന്ന തലൈവർ. കൂടെ വിമാനത്താവളത്തിലെ ഉന്നത ഉദ്യോഗസ്ഥരും. അവർ പറയുന്ന കാര്യങ്ങളെല്ലാം ശ്രദ്ധാപൂർവം കേട്ട് നേരെ കാറിലേക്ക്. ഈ സമയം പുറത്ത് ആരാധകരുടെ ഒരു കൂട്ടം തന്നെ ഉണ്ടായിരുന്നു. തലൈവാ... തലൈവാ എന്ന് അവർ ആർത്തു വിളിക്കുന്നുണ്ടാ യിരുന്നു. ആ വിളിക്ക് അദ്ദേഹം തിരിച്ചു പ്രതികര ണവും നൽകി. ആരാധകരെ എല്ലാവരെയും നോക്കി ചിരിക്കുകയും അവരെ കൈയെടുത്തു വീശുകയും ചെയ്ത ശേഷമാണ് രജനികാന്ത് കാറിലേക്കു കയറിയത്. സിനിമയിൽ ചമയങ്ങളോടെയാണ് നമ്മളെല്ലാ വരും തലൈവരെ കണ്ടിട്ടുള്ളത്. എന്നാൽ അദ്ദേഹം എത്ര സിംപിളാണെന്ന് നേരിട്ടു കാണുമ്പോൾ മനസിലാകും. എപ്പോഴും നിറപുഞ്ചിരിയോടെയല്ലാതെ അദ്ദേഹത്തെ കാണാനാകില്ല. തലസ്ഥാനത്ത് ആദ്യമായി വിമാനം ഇറങ്ങിയപ്പോഴും ആ സിംപിൾ ലുക്കിലായിരുന്നു അദ്ദേഹം.