പട്ടുവത്തെ പാപുവാൻ

കരിമ്പിൽനിന്ന് ആരോഗ്യവിഭവവുമായി കണ്ണൂരിലെ കർഷക കൂട്ടായ്മ

കരിമ്പ് ഇഷ്ടമെങ്കിലും പഞ്ചസാര വിരുദ്ധരാണ് പലരും. രാസഘടകങ്ങൾ ഉപയോഗിച്ചുള്ള ബ്ലീച്ചിങ് മുതൽ പ്രമേഹം വരെ പഞ്ചസാരയോടുള്ള ശത്രുത കാരണമായുണ്ട്. എന്നാൽ പകരം ശർക്കര ആയാലോ? ശർക്കര ആരോഗ്യകരമാണെന്നതിൽ സംശയമില്ല. എന്നാൽ രാജ്യത്ത് ഉൽപാദിപ്പിക്കുന്ന ശർക്കരയിൽ നല്ല പങ്കുമെത്തുന്നത് അസംഘടിത മേഖലയിൽ നിന്നാണ്. അതുകൊണ്ടുതന്നെ അതിന്റെ ഗുണമേന്മയെക്കുറിച്ച് അത് ഉറപ്പു പറയാനാവില്ല, മികച്ച ഗുണനിലവാരത്തോടെ തികച്ചും ആരോഗ്യകരമായ സാഹചര്യത്തിൽ കരിമ്പിൽ നിന്ന് ആരോഗ്യവിഭവം തയാറാക്കിയാ ലോ എന്ന ചിന്തയുണരുന്നത് അങ്ങനെ. വിപണിയിൽ മികച്ച സ്വീകാര്യത നേടുന്ന കരിമ്പ് സിറപ്പ് ബോട്ടിൽ കയ്യിലെടുത്ത് പട്ടുവത്തെ കർഷകകമ്പനി പാപുവാൻ ഗ്ലോബൽ പ്രൈവറ്റ് ലിമിറ്റഡിന്റെ സിഇഒ സി. വേണുഗോപാലൻ പറയുന്നു.