ചെറുതെങ്കിലും കേമന്മാർ

ഭക്ഷണത്തിൽ ഇവയെല്ലാം അടങ്ങിയിട്ടുണ്ടെന്ന് ഉറപ്പുവരുത്തേണ്ടതാണ്

വിറ്റാമിനുകളും മിനറലുകളും ശരീരവളർച്ചയ്ക്കാവശ്യമായ പോഷകഘടകങ്ങളാണ്. ഇവയുടെ ആവശ്യകത വളരെ ചെറിയ അളവിലായതിനാൽ ഇവയെ മൈക്രോ ന്യൂട്രിയന്റ്സ് എന്നും വിളിക്കുന്നു. അസ്ഥികളുടെ വളർച്ചയ്ക്കും മുറിവുകൾ ഉണങ്ങുന്നതിനും പ്രതിരോധശേഷി നിലനിർത്തുന്നതിനും ഇവയുടെ സാന്നിധ്യം ഭക്ഷണത്തിൽ അത്യാവശ്യമാണ്. ഇതുകൂടാതെ ശരീരത്തിൽ ഊർജ്ജം ഉല്പാദിപ്പിക്കുന്നതിനും കോശങ്ങളുടെ കേടുപാടുകൾ പരിഹരിക്കുന്നതിനും ഇവ പ്രധാന പങ്കുവഹിക്കുന്നു. വിറ്റാമിനുകളും മിനറലുകളും വളരെ ചെറിയ അളവിൽ ആവശ്യമായിരുന്നാൽ പോലും ഇവയുടെ കുറവുകൾ ചില രോഗങ്ങൾക്കു കാരണമാവുന്നു.

സ്കർവി. വിറ്റാമിൻ സിയുടെ അഭാവം ഈ രോഗത്തിനു കാരണമാവുന്നു. ക്ഷീണം, സന്ധിവേദന, രക്തക്കുറവ് തുടങ്ങിയവയെല്ലാം ഇതിന്റെ ലക്ഷണങ്ങളാണ്.

അന്ധത വികസ്വര രാജ്യങ്ങളിൽ പോലും ജനങ്ങളിൽ വിറ്റാമിൻ എയുടെ അഭാവം മൂലമുള്ള അന്ധത കാണപ്പെടുന്നു.

റിക്കറ്റ്സ്: വിറ്റാമിൻ സിയുടെ അഭാവം ഈ രോ ത്തിനു കാരണമാവുന്നു. ഇതിന്റെ പ്രധാന ലക്ഷണം അസ്ഥികളുടെ ബലക്കുറവാണ്.

വിറ്റാമിനുകളും മിനറലുകളും ശരിയായ അളവിലുള്ള ഭക്ഷണക്രമം കാര്യമായ പ്രയോജനം ഉണ്ടാക്കുന്നു.

അസ്ഥികളുടെ ദൃഢത: കാത്സ്യം, വിറ്റാമിൻ ഡി, വിറ്റാമിൻ കെ, മഗ്നീഷ്യം, ഫോസ്ഫറസ് തുടങ്ങിയവ അസ്ഥികളുടെ ആരോഗ്യം മെച്ചപ്പെടുത്തുന്നു.

ജന്മനാലുള്ള വൈകല്യങ്ങൾ കുറയ്ക്കുന്നു. ഗർഭകാലത്ത് ഫോളിക് ആസിഡിന്റെ ഉപയോഗം കുഞ്ഞിന്റെ വൈകല്യങ്ങൾ കുറയ്ക്കുന്നു.

ആരോഗ്യമുള്ള പല്ലുകൾ: ഫ്ളൂറൈഡുകൾ പല്ലു കളുടെ ആരോഗ്യം സംരക്ഷിക്കുകയും ദന്തരോഗങ്ങൾ കുറയ്ക്കുകയും ചെയ്യും.

വെള്ളത്തിൽ ലയിക്കുന്ന വിറ്റാമിനുകൾ

 ഭക്ഷണത്തിന്റെ ദഹനപ്രവർത്തനങ്ങളോടൊപ്പം രക്തചംക്രമണ വ്യവസ്ഥയിലേക്കു നേരിട്ട് പ്രവേശിക്കാൻ സാധിക്കുന്നവയാണ് വെള്ളത്തിൽ ലയിക്കുന്ന വിറ്റാമിനുകൾ. ശരീരത്തിലെ വെള്ളത്തിന്റെ അളവ് അധികമായതിനാൽ ഇവ വേഗം ശരീരത്തിലേക്ക് ആഗിരണം ചെയ്യപ്പെടുന്നു. രക്തത്തിലെ ഇവയുടെ അളവ് നിയന്ത്രിക്കാൻ കിഡ്നി സഹായിക്കുന്നു. അധികമുള്ളവയെ മുത്രത്തിലൂടെ പുറന്തള്ളുന്നു.

വെള്ളത്തിൽ ലയിക്കുന്ന വിറ്റാമിനുകളുടെ ഉറവിടം

ബി വിറ്റാമിനുകൾ ഒരു കൂട്ടം വൈറ്റമിനുകളുടെ ശ്രേണിയാണ് ബി കോംപ്ലക് സ് വിറ്റാമിനുകൾ. ഇവയുടെ ഉറവിടങ്ങൾ.

വൈറ്റമിൻ ബി1