കളികൾ വെറും കളിയല്ല

കുട്ടിക്കളികൾ നിസ്സാരമല്ല. കുട്ടകളുടെ ശാരീരികവും മാനസി കവുമായ വളർച്ചയ്ക്ക് അത്യന്താപേക്ഷിതമാണ് അവ. അതിനാൽ, കളികളുടെ തിരഞ്ഞെടുപ്പും പ്രധാനമാണ്

എല്ലാവരുടെ ഉള്ളിലും ഒരു കുട്ടിയുണ്ട്. ചില നേരങ്ങളിൽ കുട്ടികളെപ്പോലെ ചിരിക്കുന്നതും തുള്ളിച്ചാടുന്നതും കളികളിലേർപ്പെടുന്നതുമെല്ലാം അതിനുദാഹരണമാണ്. സമയക്കുറവും മാനസിക വാകുലതകളും ആരോഗപ്രശ്നങ്ങളും മുതിർന്നവരെ ഒരു പരിധി വരെ കളികളിൽ നിന്നും അക റ്റി നിറുത്തുന്നു. എന്നാൽ, കുട്ടികളുടെ കാര്യം നേരെ മറിച്ചാണ്. കളിച്ചും ചിരിച്ചും കരഞ്ഞും വൈകാരിക പ്രകടനങ്ങളിലൂടെ മാത്രമേ മാനസികവും ശാരീരികവുമായ വളർച്ചാഘട്ടങ്ങളെ അഭിമുഖീകരിക്കാൻ അവർക്കു കഴിയുകയുള്ളൂ.

ഒരു പ്രതേക ലക്ഷ്യപ്രാപ്തിക്കുവേണ്ടിയല്ലാതെ, സന്തോഷത്തിനും ഉല്ലാസത്തിനും വേണ്ടി ചെയ്യുന്ന എല്ലാത്തരം പ്രവൃത്തികളെയും കളികൾ എന്നു വിളിക്കാം. കുട്ടികളുടെ ശാരീരിക-മാനസി ക-സാമൂഹിക വളർച്ചയ്ക്ക് കളികൾ വഹിക്കുന്ന പങ്ക് വളരെ പ്രാധാന്യമർഹിക്കുന്നു. കുട്ടികളുടെ സ്വഭാവരീതികളും കുട്ടികളുടെ വളർച്ചാഘട്ടങ്ങളെപ്പോലെ വിവിധഘട്ടങ്ങളിലൂടെ കടന്നുപോകുന്നു.

പരിശോധനാഘട്ടം

 ഏകദേശം മൂന്നു മാസം പ്രായമാകുമ്പോൾ മുതൽ കുഞ്ഞുങ്ങൾ ചെറിയ രീതിയിലുള്ള കളികൾ തുടങ്ങുന്നു. കണ്ണുകൾ ചലിപ്പിച്ച് വസ്തുക്ക ളെയും മനുഷ്യരെയും സൂക്ഷമമായി നോക്കുക, കൈകാലുകൾ ഇളക്കുക, ചിരിക്കുക, സാധനങ്ങൾ കയ്യെത്തിപ്പിടിക്കുക, വലിക്കുക തുടങ്ങി തന്റെ പരിമിതമായ ശാരീരികക്ഷമതയ്ക്കുള്ളിൽ നിന്നാണ് കുഞ്ഞ് കളിക്കാനാരംഭിക്കുന്നത്. പി ന്നീട് ഇഴയുക, നിൽക്കുക, നടക്കുക തുടങ്ങിയ വളർച്ചാഘട്ടങ്ങളിലൂടെ കടന്നുപോകുന്നതിനോടൊപ്പം കളികളും പുരോഗമിക്കുന്നു. ഈ ഘത്തിൽ ശരീരഭാഗങ്ങൾ ചലിപ്പിക്കുക എന്നതാണ് കുഞ്ഞ് കളിക്കുന്നതിന്റെ ലക്ഷണം.

കളിപ്പാട്ടഘട്ടം