ડાયાબિટીસને આ રીતે કરો કંટ્રોલ

ભારત આજે ડાયાબિટીસમાં મોખરે છે. તેનું સૌથી મોટું કારણ એકવીસમી સદીની જીવનશૈલીને માનવામાં આવે છે

આમ તો ડાયાબિટીસ સમગ્ર વિશ્વમાં ફેલાયેલ છે, પરંતુ ભારત આજે તેમાં મોખરે છે. તેનું સૌથી મોટું કારણ એકવીસમી સદીની જીવનશૈલીને માનવામાં આવે છે. પરંતુ જો સમય રહેતા તેના ઉપર ધ્યાન આપવામાં આવે અને ખાનપાનમાં ફેરફાર કરવામાં આવે તો થોડા ઘણા અંશે તે કંટ્રોલમાં રહી શકે છે. તેના માટે આ રહ્યા ઉપાયો.

કસરત:

સંસોધન અનુસાર કસરત કરવાથી શરીરમાં લોહીનું પરિભ્રમણ યોગ્ય બની રહે છે અને લોહીમાં સુગરનું પ્રમાણ પણ નિયંત્રણ રહે છે પરિણામ સ્વરૂપ હાઈ મેટાબોલિઝમ અને મધુમેહનું જોખમ ઓછું રહે છે.

ખાંડનું સેવન કરવું નહીં: 

ડાયાબિટીસથી પીડિત લોકોએ ખાંડ, ગોળ, મધ, કોડ્રિંક્સ વગેરેનું સેવન ઓછું કરવું જોઈએ જેથી કરીને બ્લડમાં સુગરનું પ્રમાણ કંટ્રોલમાં રહે. વધારે પડતી મીઠી વસ્તુ અને મીઠા પેય પદાર્થોનું સેવન ઇન્સ્યુલિનના લેવલને વધારી શકે છે.

ફાઇબર: 

બ્લડમાંથી સુગરને શોષી લેવામાં ફાઇબરનું ખૂબ જ મહત્વપૂર્ણ યોગદાન હોય છે. આ માટે તમારે ઘઉં, બ્રાઉન રાઈસ અથવા વીટ બેડ વગેરેનું સેવન કરવું જોઈએ જેનાથી શરીરમાં સુગરનું લેવલ કંટ્રોલમાં રહેશે, જેથી કરીને ડાયાબિટીસનું જોખમ ઓછું રહેશે.

તાજા ફળો અને શાકભાજી:

ફળોમાં પ્રાકૃતિક ખાંડનું મિશ્રણ હોય છે અને તે શરીરને દરેક પ્રકારનું પોષણ આપે છે .તાજા ફળોમાં વિટામિન એ અને સી હોય છે જે બ્લડ અને હાડકાઓના સ્વાસ્થ્યને મેન્ટેન કરે છે. આ ઉપરાંત ઝીંક,પોટેશિયમ, આયરનનો પણ સુમેળ તેમાં જોવા મળે છે.