વર્લ્ડ રેડિયો ડે

ગાંધીજીએ જ્યારે અંગ્રેજોને ભારત છોડોનો કોલ આપ્યો ત્યારે ગાંધીજી સહિત બધા જ નેતાઓને ૯ ઓગસ્ટ ૧૯૪૨ માં ગિરફતાર કરી લેવામાં આવ્યા હતા અને પ્રેસ પર લગામ લગાડવામાં આવી હતી. કોંગ્રેસના થોડાક નેતાઓના અનુરોધ પર નરીમન પ્રિન્ટરે ફરીથી પોતાના રેડિયો ટ્રાન્સમીટરનાં બધા જ ભાગો એક જૂથ કર્યા અને મુંબઈના ચોપાટી વિસ્તારનાં સીવ્યુ બિલ્ડિંગથી ૨૭ ઓગસ્ટ ૧૯૪૨ માં નેશનલ કોંગ્રેસ રેડિયોનું પ્રસારણ શરૂ કર્યું હતું

આજે જે રીતે દરેકના હાથમાં મોબાઇલ જોવા મળે છે તેવી જ રીતે એક સમયે દરેક ઘરમાં રેડિયો જોવા મળતા હતા. પરંતુ આજે પોર્ટેબલ રેડિયો ઇતિહાસ બનતો જઈ રહ્યો છે, પરંતુ એફ.એમ. ચેનલ અને ઇન્ટરનેટ રેડિયોની ધુમ છે. જોકે ગ્રામીણ વિસ્તારોમાં આજે પણ રેડિયોની પહોચ ઘણી વધુ છે. બની શકે કે તમારામાંથી કોઇપણનાં ઘરમાં રેડિયો હોય. દર વર્ષે 14 ફેબ્રુઆરીએ વર્લ્ડ રેડિયો ડે ના રૂપમાં ઉજવવામાં આવે છે. આ અવસર પર તમે પણ જાણો રેડિયોના સફરની રોચક જાણકારી.

વર્લ્ડ રેડિયો દિવસની શરુઆત ૨૦૧૨ થી થઇ. કિંગડમ ઓફ સ્પેનની રીક્વેસ્ટ પર યુનેસ્કોએ 3 નવેમ્બર 2011 મા જનરલ કોન્ફરન્સમાં ૧૩ ફેબ્રુઆરીએ વર્લ્ડ રેડિયો દિવસના રૂપમાં જાહેર કર્યો હતો. ત્યારબાદ થી વર્ષ 2012 થી દર વર્ષે ૧૩ ફેબ્રુઆરીએ આખી દુનિયામાં રેડિયો ડે ના રૂપમાં ઉજવવામાં આવે છે.

ક્યારે થયું હતું પહેલું રેડિયો પ્રસારણ:

૨૪ ડિસેમ્બર ૧૯૦૬ ની સાંજે કેનેડીયન વૈજ્ઞાનિક રેગીનાલ્ડ ફેસેડેને જ્યારે પોતાનું વાયોલીન વગાડ્યું ત્યારે એટલાન્ટિક મહાસાગરમાં તરી રહેલા બધા જ જહાજોના રેડિયો ઓપરેટરો એ આ સંગીત પોતાના રેડિયો સેટ પર સાંભળ્યું હતું. ત્યાંથી દુનિયામાં રેડિયો પ્રસારણની શરૂઆત માનવામાં આવે છે. ત્યારબાદ તે જ સાંજે ફેન્સી ડે એ પોતાના અવાજમાં ગીત પણ ગાયું હતું અને બાઇબલમાંથી થોડીક પંક્તિઓ પણ વાચી હતી. તેના પહેલા પણ માર્કોની એ વર્ષ 1900માં ઇંગ્લેન્ડ થી અમેરિકા તાર વિના સંદેશ મોકલીને વ્યક્તિગત સંદેશ મોકલવાની શરૂઆત કરી દીધી હતી. પરંતુ એક થી વધુ વ્યક્તિઓને એકીસાથે સંદેશ મોકલવા કે બ્રોડકાસ્ટિંગની શરૂઆત 1906માં ફેસેડેને શરૂઆતથી થઇ હતી.

રેડિયોનો ઇતિહાસ રોચક છે: