કેળાના ઉત્પાદન સાથે મૂલ્યવર્ધન

> પ્રાકૃતિક ખેતી થકી આત્મનિર્ભર બનતા પ્રગતિશીલ ખેડૂત > 16 ગુંઠા જમીનમાં કેળાના ઉત્પાદન સાથે મૂલ્યવર્ધન કરીને વર્ષે દહાડે રૂ.15 થી લાખની આવક ઝગડીયા 16 મેળવતા તાલુકાના ઢુંઢા ગામના પ્રગતિશીલ ખેડૂત બચુભાઈ નંદલાલ હીરપરા > ભરૂચ જિલ્લામાં હાલમાં 80,000થી વધુ ખેડુતોએ પ્રાકૃતિક ખેતી તાલીમ લીધી છે: આત્મા પ્રોજેકટ ડાયરેકટર (તાલીમ)

રાજ્યનો ખેડૂત પ્રાકૃતિક ખેતી કરીને આત્મનિર્ભર બને તે માટે રાજ્ય સરકાર અથાગ પ્રયાસો કરી રહી છે. સરકાર પણ પ્રાકૃતિક ખેતીનો વ્યાપ વધે તે માટે ખેડૂતો સાથે સંવાદ સાધીને પ્રોત્સાહન પુરૂ પાડી રહી છે.

આત્મા પ્રોજેક્ટ અને કૃષિ ઉત્કર્ષ પહેલ અંર્તગત ભરૂચ જિલ્લામાં પણ માસ્ટર ટ્રેનરોની નિમણુંક કરી ખેડૂતો તાલીમ લઈ રહ્યા છે. જીલ્લાની કુલ ૫૪૫ ગ્રામ પંચાયતો અનુરૂપદસ ગ્રામ પંચાયત દીઠ એક ક્લસ્ટર બનાવીને તેમાં ફાર્મર માસ્ટર ટ્રેનર અને ટેકનીકલ માસ્ટર ટ્રેનરની નિયુક્તિ અને સંચાલન હેઠળ ચાર સેશનમાં તાલીમો આપવાની કામગીરી હેઠળ ગામડે-ગામડે પ્રાકૃતિક ખેતીની તાલીમ આપી રહ્યા છે, ત્યારે વાત કરવી છે એવા સાહસિક ખેડૂત પ્રાકૃતિક ખેતી કરીને કેળા અને પપૈયાના વાવેતરમાં વર્ષે દહાડે લાખોની આવક મેળવી રહ્યા છે.

ભરૂચ જિલ્લાના ઝઘડિયા તાલુકાના ઢુંઢા ગામમાં વસતા ખેડૂત છેલ્લા આઠ વર્ષથી પ્રાકૃતિક ખેતી સાથે સંકળાયેલા છે. વર્ષ ૨૦૧૫માં સુભાષ પાલેકર શિબિર કરી પ્રાકૃતિક ખેતી અંગે જાણકારી મેળવીને પ્રાકૃતિક ખેતી કરતા થયા છે. ભરૂચ જિલ્લાના ઝગડીયા તાલુકાના ઠુંઠા ગામના ૫૨ વર્ષીય ખેડૂત નંદલાલ બચુભાઈ હીરપરા છેલ્લા ૨૦૧૫થી પ્રાકૃતિક ખેતી અપનાવી છે. તેઓ કેળાના ઉત્પાદનના સાથોસાથ તેનું મૂલ્યવર્ધન કરીને વર્ષે રૂ.૧૫ થી ૧૬ લાખની કમાણી કરી રહ્યા છે.

વિગતે વાત કરતા નંદલાલ બચુભાઈ હીરપરા કહે છે કે, ૨૦૧૫ના વર્ષમાં કામરેજ દાદા ભગવાન મંદિર ખાતે ખેડૂત શિબિર યોજાઈ હતી. ત્યાંથી મહારાષ્ટ્રના પ્રગતિશીલ ખેડૂતોએ સૌ ખેડૂતોને પ્રાકૃતિક ખેતી કરવા માટે પ્રોત્સાહિત કર્યા.