കോക്കനട്ട് വുഡ് ക്ലാഡിങ്ങ്

തെങ്ങുതടിയോട് അയിത്തം വേണ്ട. ഇന്റീരിയറിൽ ഇത് ഫലപ്രദമായി ഉപയോഗിക്കാം

ഗൃഹനിർമ്മാണവുമായി ബന്ധപ്പെട്ട് വളരെയധികം സാധ്യതയുള്ളതാണ് നമ്മുടെ സ്വന്തം തെങ്ങ്.

എന്നാൽ, വാതിലുകൾ, കട്ടളകൾ, ജനൽ എന്നിവയ്ക്കും ഇതിനുപുറമെ വീ ടിനകത്ത് ഉപയോഗിക്കുന്ന ചുരുക്കം ചില ഫർണിച്ചറിനുമാണ് നാം തെങ്ങിന്റെ തടി ഉപയോഗിക്കുന്നത്. അതുതന്നെ മറ്റു മരങ്ങൾ ലഭ്യമല്ലെങ്കിൽ മാത്രം. രണ്ട് പ്രധാന തെറ്റിദ്ധാരണകൾ അഥവാ അജ്ഞത കാരണമാണ് തെങ്ങിന്റെ തടി ഉപയോഗിക്കുന്നതിനു വിമുഖത കാട്ടുന്നത്.

ഒന്ന് ഈടു നിൽക്കുന്നതിനെക്കുറിച്ചുള്ള സംശയം. ചിതലുകൾ മറ്റ് ഫംഗസ് ബാധ കൾ എന്നിവ വേഗം ആക്രമിച്ച് തടിയെ നശിപ്പിക്കും എന്ന നിഗമനത്തിന്റെ അടിസ്ഥാനത്തിലാണിത്. ഇതിനുപുറമെ ബല കുറവുള്ള തടിയെന്ന ധാരണ. ഇവയൊക്കെ തെങ്ങിന്റെ തടി ഉപയോഗിക്കുന്നതിൽ നിന്ന് വിട്ടുനിൽക്കാൻ പ്രേരിപ്പിക്കുന്നു. എന്നാൽ, ഈ ധാരണകൾ അടിസ്ഥാനപരമായി തന്നെ തെറ്റാണ്.

ഈടു നിൽപ്പിന്റെ കാര്യത്തിൽ, വേണ്ട രീതിയിൽ പ്രോസ്സസ് ചെയ്തെടുത്താൽ മഹാഗണിയോളം ഈടും ബലവും കിട്ടുന്നതു തന്നെയാണ് തെങ്ങുതടിയും എന്ന താണ് സത്യം. ഫിലിപ്പെയ്ൻസ്, സുമാത്ര, ജാവ, ശ്രീലങ്ക എന്നിവിടങ്ങളിൽ മഹാ ഗണിക്കൊപ്പം തന്നെ തെങ്ങുതടി ഉപയോഗിക്കുന്നു.

ഫർണിച്ചർ നിർമ്മാണത്തിനെക്കാൾ സീലിങ്ങ്, ഫ്ലോർ, വാൾ എന്നിവയ്ക്കാണ് പോളിഷ് ചെയ്ത തെങ്ങുതടി കൂടുതൽ ഉപയോഗിക്കുന്നത്.

മേൽപ്പറഞ്ഞ രാജ്യങ്ങളിൽ നിന്ന് ഇത് വലിയതോതിൽ കയറ്റുമതി ചെയ്യുന്നുമുണ്ട് ചുവരുകൾക്കും മേൽക്കൂരയ്ക്കും തറയ്ക്കും കോക്കനട്ട് വുഡ് പാനലുകൾ ഉറപ്പിക്കാം. എന്നാൽ, ഇതിന് ആദ്യം ശ്രദ്ധിക്കേണ്ടത് തടി തിരഞ്ഞെടുക്കുന്നതാണ്. ഹൈ ഡെൻസിറ്റി ടിംബർ, 600-900 kg/ m2 കട്ടിയുള്ള തടിയാണ് ഏറെ ഉത്തമം. മാത്രമല്ല, തെങ്ങ് കുറഞ്ഞത് 50 വർഷത്തിനു മേൽ കായ്ഫലം തന്നതുമാകണം.

തെങ്ങിനെ സംബന്ധിച്ചടുത്തോളം അതിന്റെ പുറം തൊലി കളഞ്ഞാൽ പിന്നെ ആദ്യത്തെ കവർ ആണ് ഏറ്റവും കട്ടിയുള്ളതും ഉപയോഗപ്രദവും. അകത്തേക്ക് പോകുന്തോറും കനം കുറഞ്ഞുവരും മറ്റ് വൃക്ഷങ്ങളിൽ നിന്നും തെങ്ങിനുള്ള പ്രധാന വ്യത്യാസമാണിത്.