வேலைக்கு செல்லாதீர்கள்! வேலைகளை உருவாக்குங்கள்!!

தொழில் சிந்தனை

- மு.தமிழரசி

பல கோடி படித்த இளைஞர்களின் இன்றைய கனவு அரசாங்க வேலை மட்டுமே. காலை 10 மணி முதல் மாலை 5.30 மணி மட்டுமான இருக்கை வேலையை செய்ய மட்டுமே நினைக்கின்றனர்.

எட்டு மணி நேரத்திற்கான சம்பளம். மாத இறுதியிலேயே சம்பளம், வேலையில் இலக்கு கிடையாது. ஆண்டுகள் செல்ச் செல்ல கூடுதல் சம்பளம் மற்றும் உயர் பதவியும் சிரமப்படாமலேயே கிடைக்க வேண்டும். விடுமுறை எடுத்தாலும் கவலையே இல்லை. சம்பளம் பிடித்தம் கூடாது. முழுச் சம்பளம் கிடைக்க வேண்டும். குடும்பத்தை எவ்வித சிக்கலுமின்றி நடத்திச் செல்லலாம்.

மேலும், சமுதாயத்தில் தனிமரியாதை, பாதுகாப்பான பிரச்சனையே இல்லாத வாழ்க்கை, யாருக்கும் பயப்பட வேண்டியதில்லை.வேலைக்கு போகாவிட்டாலும், போனாலும், வேலையை சரியாக செய்தாலும், செய்யா விட்டாலும், முழுச்சம்பளம் கண்டிப்பாக கிடைக்கும். சம்பளம் தவிர இதர படிகளும் ஆண்டுதோறும் கூடிக் கொண்டே செல்லும். யாரும் நம்மை வேலையை விட்டு எடுத்துவிட மாட்டார்கள் என்று, அரசாங்க வேலைகளில் பெரும் நன்மைகள் அரசுப்பணிகளை இருப்பதால், நாடுகின்றனர்.

வியர்வை சிந்தாமல், உடல் உழைப்பு இல்லாமல் அரசு வேலை கிடைத்தால் போதும் என்று இருந்து விடுகின்றனர்.

அரசு பதவியில் நேர்மையானவர்களும் இருக்கிறார்கள்.  ஆனால் அவர்கள் விழுக்காட்டிற்கு மிகமிக குறைவு.