ബയ് നൗ, പേ ലേറ്റർ, വറി എവർ

ഓൺലൈൻ ഷോപ്പിങ് ഓളമായി മാറിയാൽ കാശും കാര്യങ്ങളും കൈവിട്ടുപോകാം.

- കെ. കെ. ജയകുമാർ

ഒരു മീറ്റിങ്ങിനു പോയവഴി സുഹൃത്തിന്റെ ഓഫിസിൽ കയറിയതാണ്. കുറച്ചുനേരം കുശലം പറഞ്ഞിരിക്കാമെന്നു കരുതി. സംസാരത്തിനിടിയിൽ കാബിനിലേക്ക് ആളുകളുടെ പ്രവാഹം. ഓൺലൈൻ ഡെലിവറി ബോയ്സാണ്.

സുഹൃത്ത് അതു വാങ്ങി അലമാരയിൽ വയ്ക്കുന്നു. പലതും പൊട്ടിച്ചു പോലും നോക്കിയിട്ടില്ല.

ഇതെന്താ ഇങ്ങനെ? ഞാൻ ചോദിച്ചു.

എന്താ ചെയ്യുക? ഒരിടത്തു നിന്നു വാങ്ങിക്കഴിയുമ്പോഴാണ് അതിന്റെ ഇരട്ടി ഡിസ്കൗണ്ടിൽ മറ്റൊന്നു കാണുന്നത്. ഗ്രേറ്റ് ഷോപ്പിങ് ഫെസ്റ്റിവലിന്റെ പേരിൽ ഡിസ്കൗണ്ട് പെരുമഴയല്ലേ. എങ്ങനെയാണു വാങ്ങാതിരിക്കുന്നത്? സുഹൃത്ത് വാചാലനായി.

അല്ല, വാങ്ങിയ സാധനങ്ങൾ പലതും തുറന്നുപോലും നോക്കിയിട്ടില്ലല്ലോ. പിന്നെന്തിനാണ് ഇങ്ങനെ വാങ്ങിക്കൂട്ടുന്നത്? ഞാൻ ചോദിച്ചു.