രൂപ തകരുന്നു കറൻസി ട്രേഡ് ചെയ്യാം, ആദായമുണ്ടാക്കാം

രൂപയുടെ മൂല്യം ഡോളറിനെ അപേക്ഷിച്ച് കുത്തനെ കുറയുകയാണ്. എന്നാൽ ഫോറെക്സ് വ്യാപാരം ഇന്ത്യയിലും, ആഗോളതലത്തിലും വർധിക്കുന്നു.

എന്താണ് ഫോറെക്സ് വ്യാപാരം? ആരാണു നിയന്ത്രിക്കുന്നത്? ലാഭ സാധ്യതയുള്ളതാണോ?

കറൻസികൾ വ്യാപാരം ചെയ്യുന്ന സ്ഥലമാണ് ഫോറിൻ എക്സ്ചേഞ്ച് മാർക്കറ്റ്. വിവിധ രാജ്യങ്ങളിലെ സാധനങ്ങളും സേവനങ്ങളും വാങ്ങാനും വിദേശങ്ങളിലെ യാത്രയ്ക്കും പഠനത്തിനും എല്ലാം കറൻസികൾ കൈമാറ്റം ചെയ്യേണ്ടതുണ്ട്.

'ഫോറെക്സ് ട്രേഡിങ്' എന്നാൽ ലാഭം ഉണ്ടാക്കാനായി കറൻസി വിലകളിൽ നടത്തുന്ന ഊഹക്കച്ചവടം ആണ്. ഇവിടെ കറൻസികൾ ജോടികളായാണ് വ്യാപാരം ചെയ്യുന്നത്. ഒരു ജോടി കറൻസികളിൽ ഒന്ന് മറ്റൊന്നിനെതിരെ ഉയരുമോ കുറയുമോ എന്ന് ഊഹിക്കും. അതനുസരിച്ച് ഒരു കറൻസി മറ്റൊന്നിലേക്കു കൈമാറ്റം ചെയ്യും. ഇത്തരത്തിൽ നല്ല ലാഭം ഉണ്ടാക്കാൻ കഴിയുന്ന ഒരു മേഖലയാണ് ഫോറെക്സ് വ്യാപാരം. ഫോറെക്സിൽ നേട്ടമുണ്ടാക്കാൻ അടിസ്ഥാന വിപണി തത്വങ്ങൾ മനസ്സിലാക്കണം. ഇതിൽ ഏറ്റവും പുതിയ വാർത്തകളും, വിശകലനങ്ങളും ഉൾപ്പെടുമെന്നതും മറക്കരുത്.

സ്വാധീനിക്കുന്ന ഘടകങ്ങൾ

ഓഹരിയെപ്പോലെ ഫോറെക്സ് വിപണിയേയും പ്രധാനമായും ഡിമാൻഡും സപ്ലൈയുമാണ് നിയന്ത്രിക്കുന്നത്. ഇതുകൂടാതെ യുദ്ധങ്ങളും രാജ്യാന്തര നയങ്ങളും വിലയിലെ ഏറ്റക്കുറച്ചിലുകളെ സ്വാധീനിക്കും.

സെൻട്രൽ ബാങ്കുകൾ സപ്ത നിയന്ത്രിക്കുന്നത് അതത് രാജ്യത്തെ സെൻട്രൽ ബാങ്കുകളാണ്. അവർക്കു സ്വന്തം കറൻസിയുടെ വിലയിൽ സ്വാധീനം ചെലുത്തുന്ന നടപടികൾ പ്രഖ്യാപിക്കാനാകും.