കാർഷികോപകരണം ഉണ്ടാക്കണോ? സ്വർണ കുമാരി റെഡി

നെല്ല് ഉണക്കുന്ന മെഷിൻ മുതൽ കേജ് വിൽ വരെയുള്ളവ നിർമിച്ചു നൽകുന്ന എൻജിനീയറിങ് യൂണിറ്റുമായി ശ്രദ്ധ നേടുന്ന സംരംഭക

എന്താണു ബിസിനസ്?

ആധുനിക കാർഷികോപകരണങ്ങൾ നിർമിച്ചു വിൽക്കുകയാണ് സ്വർണകുമാരിയുടെ ബിസിനസ്. നെല്ല് കാറ്റത്തിടുന്ന മെഷീൻ, നെല്ല് ഉണക്കുന്ന മെഷീൻ, കൾട്ടിവേറ്റർ, കേജ് വീൽ അടക്കമുള്ളവ നിർമിക്കുന്ന എൻജിനീയറിങ് യൂണിറ്റിന് സ്വർണകുമാരി മേൽനോട്ടം വഹിക്കുന്നു. മെഷീനുകൾ ഡിസൈൻ ചെയ്യുന്നത് ഭർത്താവ് ശിവനാണ്. കാർഷികാവശ്യവുമായി ബന്ധപ്പെട്ട എന്തു മെഷിനറികളും നിർമിച്ചു നൽകാൻ കഴിയുന്ന സംവിധാനവും സ്ഥാപനത്തിൽ ഉണ്ട്.

എങ്ങനെ എത്തപ്പെട്ടു ഈ ബിസിനസിൽ

 ഏറെക്കാലം എൻജിനീയറിങ് യൂണിറ്റിൽ ജോലി ചെയ്തിരുന്ന ഭർത്താവ് ശിവൻ ആണ് പ്രചോദനം. അദ്ദേഹത്തിന്റെ സ്കിൽഉപയോഗപ്പെടുത്തുകയായിരുന്നു. പിന്നീടു സ്ഥാപനത്തിൽ ഉൽപാദനവും ഡിസൈനിങ്ങും വിപണനവും എല്ലാം സ്വായത്തമാക്കാൻ കഴിഞ്ഞു. ഇപ്പോൾ സ്വന്തം നിലയിൽ ബിസിനസ് മാനേജ് ചെയ്യുന്നു.

എൻജിനീയറിങ് മെറ്റീരിയലുകൾ

ആവശ്യമായ അസംസ്കൃത വസ്തുക്കൾ എൻജിനീയറിങ് മെറ്റീരിയലുകളാണ്. എംഎസ്, ജിഎസ്, എസ്എസ് തുടങ്ങിയ വിവിധ ഇനം സാമഗ്രികൾ ആണു വേണ്ടത്. വെൽഡിങ്, റോഡുകൾ, ഹാർഡ്വെയർ ഉൽപന്നങ്ങൾ, പെയിന്റ് മുതലായവയും വേണം.