തീരുന്നില്ല മാർച്ചിലെ ആവലാതികൾ

വലിയ തുകയാണ് ആദായനികുതിയായി ശമ്പളത്തിൽനിന്നു പിടിക്കുക. എന്താണു ചെയ്യേണ്ടത് എന്ന ആവലാതി ഇന്ന് ഓരോ സാധാരണക്കാരനുമുണ്ട്.

- കെ. കെ. ജയകുമാർ

അവസാന നിമിഷത്തിലെ ഇവരുടെ ഈ ഫോൺ വിളികൾ പതിവുള്ളതാണ്. ആദായനികുതിയിലെ ബാക്കി ടിഡിഎസ് പിടിത്തത്തിനുള്ള ഇണ്ടാസ് ഓഫിസിൽ നിന്നു കിട്ടിത്തുടങ്ങുമ്പോൾ മാത്രമാണ് ഇവർ ഉറക്കത്തിൽ നിന്ന് ഉണരുക. അതുവരെ ഉറക്കം തന്നെ ഉറക്കം. ഇതിപ്പോൾ അടുത്ത സുഹൃത്തിന്റെ വിളിയാണ്. വലിയ തുകയാണ് ആദായനികുതിയായി ശമ്പളത്തിൽനിന്നു പിടിക്കുക. എന്താണു ചെയ്യേണ്ടത്? ഞനങ്ങോട്ടു വന്നോട്ടെ.

വണ്ടി പിടിച്ച് ഇങ്ങോട്ടു വരണ്ട. കാരണം, വന്നിട്ടൊന്നും കാര്യമില്ല. കാര്യങ്ങളെല്ലാം കഴിഞ്ഞ വർഷം മാർച്ചിൽ പറഞ്ഞു തന്നതാണ്. അതൊക്കെ തന്നെയേ ഇത്തവണയും പറയാനുള്ളൂ.

മറുതലയ്ക്കൽ അങ്ങനെ പറയരുത് എന്ന ദീനരോദനം. 80 സി ഫുള്ളായി തീർന്നു. ഇനി ഏതൊക്കെ രീതിയിൽ കൂടുതൽ ടാക്സ് ഇളവ് നേടാം എന്നാണ് ആവലാതി.