കടൽ കടന്ന് അലിയുടെ അച്ചാറുകൾ

200 ഗ്രാമിന്റെ 10 പായ്ക്കറ്റ് മീൻ അച്ചാറിൽ തുടങ്ങിയ സംരംഭം ഇന്നു കയറ്റുമതി ചെയ്യാതെതന്നെ വിദേശ മലയാളികളുടെ തീൻമേശയിൽ ഇടംപിടിച്ചിരിക്കുന്നു.

- ടി.എസ്.ചന്ദ്രൻ മുൻ ഡെപ്യൂട്ടി ഡയറക്ടർ, സംസ്ഥാന വ്യവസായ-വാണിജ്യവകുപ്പ്

അലിയുടെ അച്ചാറുകൾക്ക് വൻ ഡിമാൻഡാണ്. ചുറ്റുപാടും മാത്രമല്ല വിദേശത്തും. മികച്ചതും വൈവിധ്യമുള്ളതുമായ ഈ അച്ചാറുകൾ വിദേശത്തേക്കു പോകുന്ന മലയാളികൾ കൂടെക്കൊണ്ടുപോകുന്നു. കുടുംബ ബിസിനസ് എന്നനിലയിൽ ഇരുപതിൽപരം വെറൈറ്റി അച്ചാറുകളാണ് ഇദ്ദേഹം ഉണ്ടാക്കി വിൽക്കുന്നത്. കാര്യമായ നിക്ഷേപമൊന്നും ഇല്ലാതെ തുടങ്ങിയ സംരംഭം പാലക്കാട് ഒറ്റപ്പാലത്തിനടുത്ത് എഴുവന്തല(നെല്ലായിയിലാണ് പ്രവർത്തിക്കുന്നത്.

മത്സ്യമാണ് താരം

അലിയുടെ ഉൽപന്നങ്ങളിലെ താരങ്ങൾ മീൻ അച്ചാറുകളാണ്. ശീലാവ്, ചെമ്പല്ലി, നെത്തോലി, വറ്റ, തിരണ്ടി, കണവ, ചൂര, നങ്ക്, ചെമ്മീൻ, മത്തി, അയല, അയക്കൂറ, ആവോലി അങ്ങനെ നീളുന്നു മീൻ അച്ചാറുകളുടെ നിര. ബീഫ് അച്ചാറുകൾക്കും നല്ല ഡിമാൻഡുണ്ട്. അതുപോലെ അമ്പഴങ്ങ, നെല്ലിക്ക, മാങ്ങ, കാന്താരി എന്നിവയുടെ ഉപ്പിലിട്ടതും വിൽപനയ്ക്കുണ്ട്. ഉണക്കിയ മാങ്ങ, നാരങ്ങ, നെല്ലിക്ക എന്നിവയ്ക്കു പുറമെ കടുമാങ്ങ, അമ്പഴങ്ങ എന്നിവകൊണ്ടും അച്ചാറുകളുണ്ടാക്കുന്നു. എങ്കിലും അലിയുടെ നോൺ വെജിറ്റേറിയൻ അച്ചാറുകളാണ് പേരുകേട്ടത്. അധികം വിറ്റുപോവുന്നതും ഈ അച്ചാറുകൾ തന്നെ.

നിക്ഷേപം ആവശ്യമില്ല