സ്നേഹനൂലുകളാൽ പണിയുന്ന കോട്ട

കൂട്ടുകുടുംബത്തിൽ, പ്രായമായവർ മാത്രമല്ല സംരക്ഷിക്കപ്പെടുന്നത്. അവരുടെ അനുഭവങ്ങൾ ചെറുപ്പക്കാരെ ചതിക്കുഴികളിൽ നിന്ന് സുരക്ഷിതരാക്കും

ചിത്രലിപിയാണ് ചൈനീസ് ഭാഷക്ക്. അക്ഷരങ്ങൾക്കു പകരം ചിത്രരൂപങ്ങൾ. “മനസ്സമാധാന'മെന്ന ആശയത്തിന് അതിലുള്ള ചിത്രവാക്ക് എന്തെന്നോ? ഒരു വീടിന്റെ മേൽക്കൂര അതിനുള്ളിലൊരു സ്ത്രീ.

സ്വസ്ഥതയുടെ ചിഹ്നം: വീട്ടുകാരി, അമ്മ, കുടുംബം.

കുടുംബം ദൈവകാരുണ്യത്തിന്റെ അടയാളമാണെന്ന് വേദം പറയുന്നു. ഈശ്വരൻ നിങ്ങൾക്ക് വീടൊരു അഭയമാക്കിയെന്നും ഖുർആൻ.

 കുടുംബിനി, കുടുംബത്തിന്റെ കേന്ദ്രമാണ്. മാതൃത്വം; അറ്റമില്ലാത്ത ത്യാഗമാണമ്മ.

ആൻഡീസ് പർവതത്തിന്റെ മുകളിലും താഴ്വരയിലുമായി രണ്ടു ശത്രുഗോത്രങ്ങളുണ്ടായി രുന്നു. ഒരിക്കൽ മുകളിലുള്ളവർ താഴ്വരയെ ആക്രമിച്ച് കൊള്ള നടത്തി. കൂട്ടത്തിൽ ഒരു കൈക്കുഞ്ഞിനെയും അവർ എടുത്തുകൊണ്ടുപോയി.