രാരീ.. രാരിരം

കുഞ്ഞ് വിരൽ കുടിക്കുമ്പോൾ അത് വിലക്കണമോയെന്ന് കരുതി വലയാറുണ്ട് അമ്മമാർ. വിരൽ കുടിക്കുന്നതിലൂടെ കുഞ്ഞ് സ്വയം സാന്ത്വനം കണ്ടെത്തുകയാണ്. അതിൽ ആശങ്കപ്പെടാൻ ഒന്നുമില്ല...

- ഡോ. ജിസ്റ്റ് തോമസ് MBBS, MD (Paediatrics) Senior Consultant - Paediatrics Mar Sleeva Medicity Palai

കുഞ്ഞുങ്ങൾ സ്വയം സാന്ത്വനപ്പെടുത്തി പതുക്കെപ്പതുക്കെ ഉറക്കത്തിലേക്ക് വഴുതിപ്പോകുന്നത് കണ്ടിട്ടുണ്ടോ. അതല്ലെങ്കിൽ തനിക്ക് അലോസരമായ കാര്യങ്ങളിൽനിന്ന് സ്വയം ശാന്തമായി കൂളായി മാറുന്നത്. നമ്മളെല്ലാം അറിഞ്ഞും അറിയാതെയും ഇത്തരം സ്വയം സാന്ത്വന വഴികൾ കണ്ടത്തി സമ്മർദങ്ങളിൽ നിന്ന് രക്ഷപ്പെടുന്നവരാണ്. സെൽഫ് സൂതിങ് എന്ന ഇക്കാര്യത്തിന് ഒട്ടേറെയുണ്ട് പ്രാധാന്യം. കുഞ്ഞിനെ ഉറക്കാൻ കഴിയാതെ അസ്വസ്ഥമാകുന്ന രാത്രികളിൽ നിങ്ങളെ രക്ഷിക്കും ഇത്.

സെൽഫ് സൂതിങ് വരുത്തുന്ന മാറ്റങ്ങൾ

 കുഞ്ഞിന് തന്റെ മൂഡ് സ്വയം നിയന്ത്രിക്കാൻ കഴിയും. ബാല്യത്തിന്റെ പ്രകോപനങ്ങൾ കുറക്കാനാകുന്നു.

ചെറിയ ഉറക്കത്തിലേക്ക് കുഞ്ഞ് കടക്കുന്നത് സെൽഫ് സൂതിങ്ങിലൂടെയാണെങ്കിൽ ഏറെനേരം ശാന്തമായ ഉറക്കം ലഭിക്കും.

കുഞ്ഞ് ഇത്തരം ശീലത്തിലേക്ക് നീങ്ങിയാൽ അമ്മയുടെ ജീവിതം കൂടുതൽ എളുപ്പമാകും. സ്വന്തം കാര്യങ്ങൾക്ക് കൂടുതൽ നേരം കിട്ടും.

കുഞ്ഞ് സ്വയം ദേഷ്യം നിയന്ത്രിക്കാൻ ശീലിക്കുന്നതിലൂടെ സ്വയം നിയന്ത്രണവും പഠിക്കുകയാണ്. ഭാവിയിൽ അത് നല്ല പെരുമാറ്റം പുലർത്താൻ സഹായിക്കും.

സ്പർശനം, വിറക്കൽ, ചലനം എന്നിവയാണ് ഇന്ദ്രിയാനുഭൂതിയുള്ള സ്വയം സാന്ത്വന ശീലങ്ങൾ. കുഞ്ഞുങ്ങളിൽ കാണുന്ന ശീലങ്ങൾ ഇവയൊക്കെ യാണ്...

വിരലുകളും മുഷ്ടിയും നക്കുക