യന്ത്രമല്ല നമ്മൾ മനുഷ്യർ

എന്തും ആവശ്വത്തിൽ കൂടുതലായാൽ വിഷമാണ്. പോസിറ്റിവിറ്റിയും അതുപോലെത്തന്നെ. വളരെ മോശം അവസ്ഥയിൽ ഇരിക്കുന്ന ഒരാളോട് പറയാവുന്ന ഏറ്റവും മോശമായ കാര്യമാണ്... cheer up man' എന്ന വാക്ക്

- ഖമറുദ്ദീൻ കെ.പി Chief Operating Officer Happiness Route

തളരരുത് രാമൻകുട്ടി തളരരുത് -ജീവിതത്തിൽ തകർന്നുപോ യവർക്ക് പ്രതീക്ഷ നൽകാൻ തമാശയായി പറയുന്ന ഒരു സിനിമാഡയലോഗാണിത്. എന്നാൽ, മനുഷ്യരായാൽ ചിലപ്പോൾ തളരും! ചിലപ്പോൾ കരയും

എല്ലാം നഷ്ടപ്പെട്ട ഒരു വ്യക്തിക്ക് തന്നേക്കാൾ നഷ്ടം വന്ന ഒരാളെ കാണിച്ചുകൊടുത്ത് നിങ്ങൾ അനുഭവിക്കുന്ന തൊന്നും ഒരു വലിയ പ്രശ്നമല്ലെന്നു മനസ്സിലാക്കിക്കൊടുക്കുന്നതിലെ വിരോധാഭാസം ആലോചിച്ചു നോക്കൂ...

ഒരപകടം സംഭവിച്ചാൽ ഇതിലും വലുതെന്തോ വരാനിരുന്നതാ എന്നു പറയുന്നത് അയാൾക്കുണ്ടാക്കുന്ന മാനസികാവസ്ഥ എന്തായിരിക്കും. ഒരു ദുരന്തത്തിൽ പെട്ട ആളോട് എല്ലാം നല്ലതിനാണെന്ന് പറഞ്ഞ് പോസിറ്റിവിറ്റി കൊടുക്കുന്നവരെ എന്തു വിളിക്കണം?

'Cheer up' അത്ര നന്നല്ല

എന്തും ആവശ്യത്തിൽ കൂടുതലായാൽ വിഷമാണെന്ന് പറയാറുണ്ട്, പോസിറ്റിവിറ്റിയും അതുപോലെത്തന്നെയാണ്. വളരെ മോശം അവസ്ഥയിൽ ഇരിക്കുന്ന ഒരാളോട് പറയാവുന്ന ഏറ്റവും മോശമായ കാര്യം 'cheer up man, ഒന്ന് ചിരിക്കൂ, ചാടി ചാടി നിൽക്ക്' എന്നൊക്കെയായിരിക്കാം.